男友代患癌女友出po 偶像Ian蒲頭網上送祝福：幫你加油！

暖心。

MIRROR爆紅，近日有一班「苦主老公」要圍爐取暖，在社交網成立「我老婆嫁左比Mirror導致婚姻破裂關注組」，短短數日已有超過24萬人關注。當中有不少趣味性帖文，但亦有煽情一面，今日一位Ian粉絲的男友在該群組帖文:「我女友係一位癌症病人，依家喺醫院接受緊化療…佢好鍾意Ian，希望大家可以幫幫手推post，睇下有無機會會得到Ian嘅一句鼓勵，有嘅佢應該會好開心。」

Ian祝對方早日康復。

不少網民都表示關心，給予鼓勵和支持，患癌的女粉絲亦有親自回覆，直言之前一直有嘗試聯絡Ian，但未能成功：「應該是人生最高調一次，好surprise...知道呢度圍爐group，如有冒犯，我代講聲唔好意思。5月第4 round化療時嘗試過碰下運氣IG pm過佢，到而家第6 round都冇回音，不過我唔係埋怨，知佢忙。」不過，帖文出了約1小時，Ian終於有回覆，在社交網時限動態向該名患癌女粉絲送上鼓勵，寫道:「希望你早日康復，知道過程一定好艱辛，只好幫你加油。」女粉絲亦有留言表示收到Ian的祝福，感謝大家。

Ian在限時動態留言。

「我老婆嫁左比Mirror導致婚姻破裂關注組」引起好多人關注。

女粉絲亦有親自回覆網民。

Ian向患上癌病的女粉絲送上祝福及鼓勵。

MIRROR衝出香港。

MIRROR前晚（11日）抵達紐約為今日（13日）在UBS Arena舉行的巡唱作準備，騷前12子更應當地FOX及CNN電視台邀請接受訪問，共由Anson Lo、Ian陳卓賢及「大表哥」Stanely邱士縉全程用流利英語回答。

MIRROR前晚抵達紐約，大批粉絲應援偶像

MIRROR亦到CNN接受訪問

於FOX 《Good Day New York》7分鐘的訪問環節內，前半段MIRROR全團跳唱與NBA球星Damian Lillard(DAME D.O.L.L.A)crossover的最新英文單曲Day 0。之後在接受兩位主持Rosanna Scotto及Curt Menefee的訪問時，Anson Lo先表示感受到粉絲對他們的支持，令他們感到非常溫暖同被愛戴，意想不到地見到咁多鏡粉接機。而當主持問及有無四圍行或者食下Pizza，Ian就話只是剛下機，睡了兩小時便急不及待到FOX接受訪問。被問到想跟誰人合作？邱士縉Stanley表示：「一定係Dame D.O.L.L.A，我哋都超級興奮，因為部份成員都係NBA球星嘅擁躉，所以能夠同Dame合作，係莫大嘅榮幸。」

前半段先表演新歌《DAY 0》

Stanley表示最想同Dame D.O.L.L.A合作

Anson Lo全程流利英語回答

Ian 都係英文擔當之一

大表哥英文都幾好

有網民睇完訪問指對MIRROR另眼相看：「嘩！衝出香港呀」、「Anson Lo、Ian啲英文幾好講真」、「Ian完勝」、「香港之光」、「前無古人好犀利」、「跳過咗羅湖」等。

事後，12子表示感到非常榮幸可以接受FOX《Good Day New York》訪問，而Anson Lo更表示「好奇妙」，「我哋以MIRROR呢個身份見識咗好多，特別係紐約，因為呢個地方真係好大，更加令我哋覺得自己好渺小，所以呢個係好好嘅第一步，令我哋更加有動力繼續前進。」而Edan亦說：「因為喺一個唔係自己熟悉嘅地方，然後要表演，仲要接受英文訪問，大家都好緊張呢次表演同訪談，但我覺得大家都好盡力做到最好。好開心有咁嘅機會，希望未來有更加多咁嘅機會。」