娛圈事
童童除咗精靈可愛，仲係神隊友添！
網上圖片
由馬國明和岑麗香主演的Tvb劇集《寶寶大過天》最近熱播中，作為《BB來了》的延續篇，《寶寶大過天》同樣是講新手父母育兒路上的辛酸點滴，以及如何克服生活中的矛盾與難關。因內容貼地，引起不少父母共鳴，成功聚集了大批粉絲。
網上圖片
網上圖片
而最新公開的劇集拍攝現場NG片段中，可見飾演香香和馬明囡囡游日童（童童）的童星梁芯語，樣子可愛又表情多多，其中一場講童童睡倒在馬明身上，香香俯身上前溫馨給馬明一吻，豈料童童連續兩個Take都張開了眼，結果要一再NG重來。
網上圖片
觀眾均笑稱，多謝童童神助攻，讓馬明享受福利！
靚湯心痛愛貓！
湯洛雯（靚湯）與馬國明結婚後，雖然二人未生小朋友，不過他們當一對愛貓Tino同Ariel是心肝寶貝一樣，十分疼愛。昨晚（3月19日）靚湯在IG上載其中一隻愛貓打完疫苗後出現異常反應，令她非常擔心，心痛到眼淚狂飆，還提醒大家帶毛孩去打疫苗時，一定要小心觀察打完之後的反應。
湯洛雯與馬國明當兩隻愛貓是心肝寶貝一樣。
愛貓打完疫苗後出異常反應。
靚湯說：「大家帶毛孩去打疫苗時候，一定要小心觀察打完之後嘅反應！今日帶大仔去打疫苗，以前打都冇事最多係攰啲，但係今日返到屋企，見佢一開始少少肚痾，跟住鼻哥好紅，再見到佢眼腫晒，之後呼吸極快，我真係嚇到癲咗即刻帶返佢去診所，打抗敏針同止嘔針，瞓氧氣箱，個心痛到啲眼淚狂飆。」她續指幸好半小時後情況舒緩「依家帶咗返屋企，好攰好攰，係咁瞓覺，都放心返啲醫生話極少數會有咁嘅反應，不過咁啱就係嗰個極少數佢仲話好彩我哋快帶佢去，如果唔係後果都有危險…………大家有冇試過啲咁嘅情況？」
靚湯心痛得狂飆淚！
隨後，靚湯感謝大家的留言，並指愛貓情況已穩定：「多謝大家嘅留言，原來大家都試過有咁嘅情況，真係好恐怖，第時都真係要考慮係咪真係要繼續打，太驚嚇。Update返，見佢睡姿回復正常，應該舒服返好多。」
靚湯叫大家帶毛孩打完疫苗後， 一定要留意牠們情況。
指愛貓情況已穩定。
