花姐轉行賣米線 仲撞正Ian拍拖？

其實係賣廣告。

MIRROR成員Ian（陳卓賢）最近與YouTube女神小薯茄阿冰合作拍廣告，故事講述二人從校園時期相戀、分手、Ian往外國留學、畢業後回港，以致重遇阿冰等，一幕幕情節於連鎖米線店內上演。

觀看相關影片按以下畫面或連結：

https://youtu.be/lns3Vwrgdu4

花姐粉墨登場客串做「姐姐」！

愛情故事當然吸引，扮演情侶的Ian和阿冰有不少校園戀愛鏡頭，二人再次穿起中學生校服卻絲毫沒有違和感，但最初阿冰坦言頗為擔心並笑言：「好彩故事背景係puppy love，所以同Ian唔算有太密嘅互動。」不過最驚喜見到花姐粉墨登場，在片尾以半鹹淡的廣東話演繹「姐姐話」，喜感爆燈！

扮演情侶的Ian和阿冰有不少校園戀愛鏡頭。

被問到拍攝時的難忘回憶，Ian與阿冰均表示在角色和香港人會有共鳴，而且在拍攝期間可以奉旨放肆進食，大呼過癮！而花姐於整個拍攝期間的鏡頭前後均一直說着「姐姐話」，鬧出不少笑話，花姐笑言入戲太深：「一直到拍攝結束後仍戒不掉『姐姐話』。」

Ian笑言可以奉旨任食！

Ian和花姐首度合作。

花姐粉墨登場客串做「姐姐」！

Ian因為喜歡結他，決定為每一支結他寫一首歌。

陳卓賢於昨日（2月14日）情人節推出以愛情故事貫穿的Chapter 1作品《Lost at First Sight》，雖然MV有許恩怡參與，成為故事中Ian的傾慕對象，但Ian指這次的主角其實是他至愛的結他。

陳卓賢（Ian）三度情人節出冧歌！

Ian以《Lost at First Sight》向結他示愛。

入行前Ian多以結他創作歌曲，但成為歌手後反而少了， 所以今次《Lost at First Sight》，就以電結他創作出厚實Funky Style，Ian道：「自己本身係彈開結他，入行前好多創作都係用結他寫，近年作品反而少咗呢個元素，所以就有呢隻歌誕生。今年推出嘅歌曲，會攞返呢支寶劍擺喺自己身邊。」

作為第一支登場的結他，Ian特別揀選了人生第一支重鎚出擊添置的Fender Stratocaster，他分享道：「係儲咗好耐錢，終於買到嗰一種，亦係喺我有嘅結他入面最元祖嘅一支，未夠20歲已經喺我身邊，所以陪伴咗我好長一段時間。」MV中Ian拿著這支珍藏一Show結他技倆，相信Hellosss望著熒幕也會興奮得尖叫。

相關影片可以按以下畫面觀看：

影片連結：https://youtu.be/Uc9HJTwOwB0?si=f8K6AJ4xOPxRy95l

在MV中，許恩怡成為Ian的傾慕對象。

但Ian指這次的主角其實是他至愛的結他。

Ian打算每首歌都會讓不同的結他登場。

其實Ian點只一支結他，為了讓大家可以見識每支結他的靚樣與靚聲，Ian打算每首歌都會讓不同的結他登場，他道：「今次《Lost at First Sight》就係屬於呢支結他，下一首歌就係屬於另一支結他，咁嘅安排幾好，之後出Live、開concert或者拍MV，呢支結他一出現，就代表《Lost at First Sight》呢首歌要出現。」除了有不同的結他登場，Ian今年的作品，都會以系列形式推出，他說：「用故事性貫穿，形容一段關係唔同嘅Stage，由初相識、發展到Ending會係點。好多人會睇究竟係Happy Ending定係Sad Ending，但呢要賣關子，因為未完全肯定故事嘅句號係屬於點樣一個Ending，大家要多加留意。」

因為喜歡結他，所以為每一支結他寫一首歌，Ian鍾情結他的佐證在MV現場也有跡可尋，他俏俏透露：「而家科技發達，好容易買到嘢。啱啱拍緊MV彈緊結他，同啲朋友又傾開啲結他，喺網上突然見到一支幾靚，於是又納入即將收藏系列。未喺我度，但我會帶佢返屋企，可能係之後其中一首歌嘅主角，但我都幾肯定呢支新結他，嚟緊開Show大家會見到佢嘅出現。」

結他不離手！

情人節推出愛情故事Chapter 1！