Anson Lo被封為「盧汗停」 親自解開小暑着厚褸之謎

受熱能力全港第一。

男團MIRROR成員盧瀚霆（Anson Lo）人氣急升，昨晚在社交平台開live與「神徒」聊天逾1小時。他戴眼鏡及穿冷衫，提到7月7日生日快閃尖沙嘴巨型生日廣告牌前打卡，當日正值「小暑」，他竟然穿上厚厚的灰色大褸，頓成網上熱話，笑指他叫「盧汗停」，耐熱能力超強。

Anson LO開live與「神徒」聊天逾1小時。

「小暑」着厚褸，耐熱能力超高。

Anson Lo亦有親解炎夏穿厚褸的原因，直言一年四季都習慣着厚衫，他說：「我好少着私服畀大家睇，每次做嘢，一落樓下已經上車，車內有冷氣，一落車就已係去工作地方，我真正接觸到出面天氣溫度，只係得1、2分鐘，究竟出面有幾熱或幾凍，都唔太影響到我嗰日着嘅衫。」不過，他亦承認當日衣着有點誇張，但裏面其實是短袖Tee。

由於有公司車接送，Anson坦言不理外面溫度。

他又提到近日主演的熱播劇《大叔的愛》，自爆與Edan翻看後，都覺得假如時光可以倒流可以演得更加好，他說：「依家睇返覺得有啲生硬，好想同自己講，唔使咁大力。」直播途中，「教母」似乎看到Anson Lo講到口乾，即為兒子送上一杯水解渴，十分有愛。

不少途人在流動宣傳車前打卡。

後援會再為偶像推出全新單曲《不可愛教主》造勢。

此外，「神徒」繼月初斥資過百萬舉辦連串慶生活動後，近日後援會再為偶像推出全新單曲《不可愛教主》造勢，以6位數字打造流動宣傳車，於未來兩星期走勻全香港，今日停在鰂魚涌太古坊，吸引不少途人駐足圍觀及打卡。車身除有Anson Lo大大張靚相外，兩旁則有超過100吋的LED大屏幕，無限播放新歌MV，相信又會成為打卡熱點。

Anson LO被改花名叫「盧汗停」。

MIRROR正忙於世界巡迴演唱會，但盧瀚霆Anson Lo仍抽空於出發前製作新歌《深閨》，並於早前完成英國站巡唱後，與團隊走到巴黎拍攝歌曲的MV，這正好配合這次甜到漏的歌詞。

《深閨》由徐浩作曲、監製，黃偉文填詞，是Anson Lo暫時最喜歡自己的一首慢歌。歌詞內容簡單直接地道出，當愛上一個人之後，可以為對方變成一個黐家的人，被對方獨佔，甚至放棄名利。Anson Lo坦言歌詞完全說中了他的心態，道：「歌詞其中一句：『拒絕再做凡間千人迷』，好Relate到自己，同埋佢令我思考到，如果有一日我真係拍拖，係咪要放下自己工作上嘅Anson Lo？係一首好Personal嘅慢歌，所以我喺錄音室唱嘅時候係有唱到喊。」

Anson Lo推出新歌《深閨》。

觀看相關影片按連結：https://youtu.be/70vVZqVsqeg?si=9RD6my9ItvtgApW3

Anson Lo又幻想，如果自己拍拖，都應該幾似Wyman所寫，會全神貫於對方身上，「因為我係巨蟹座，係一個Home Guy（住家男人），好鍾意留喺屋企，拍拖的話，放工都會即刻返屋企，然後喺屋企食飯睇戲，瞓覺攬埋一齊；假期都未必出街，兩口子一齊煮下嘢食飲杯咖啡，就已經好好。因為如果我鍾意一個人，都好想24小時黐住佢，做乜都OK。」對於Anson Lo來說，《深閨》所說的愛情觀與他本人很吻合，但他相信，歌詞同樣說中了大眾當情到濃時，對於愛情的執迷與痴迷，他相信大家聽到歌詞，一樣會身同感受。

Anson Lo自言是住家男人。

如果鍾意一個人會好想24小時黐住對方。

對於Anson Lo來說，《深閨》所說的愛情觀與他本人很吻合。

為了《深閨》，Anson Lo這次特別在巡唱出發前將歌曲錄好，然後趁完成英國站演出後，特地走到巴黎拍攝。揀選巴黎拍MV，全因這裡予人浪漫、Fashion又Cozy的感覺，而《深閨》裡的愛情同樣十分浪漫，又無拘無束，加上從倫敦到巴黎只需個多小時十分方便，所以絕對是不二之選，而整個拍攝過程中，Anson Lo最喜歡在巴黎鐵塔拍攝的場口，他說：「夜晚可以睇到巴黎鐵塔唔同嘅燈光閃法，好靚！同埋我哋拍攝嘅地方只係隔住一條河仔，可以好近咁望到巴黎鐵塔，又大好靚，又襯首歌，而家可以拍埋入《深閨》MV裡面，有剔咗Bucket List嘅感覺。」

Anson Lo揀選巴黎拍MV，全因這裡予人浪漫、Fashion又Cozy的感覺。

與《深閨》中的愛情同樣十分浪漫，又無拘無束。

被問到又要巡演又要拍MV，體力上可以應付得到，Anson Lo坦言：「每次都係同自己講，應付唔到都要應付，因為做完巡演，話唔攰都係講緊大話，但只要每次做嘅嘢，都係自己好期待嘅作品，攰就唔係咁大問題。」

雖然要巡演又要拍MV，會好，但Anson Lo坦言：「應付唔到都要應付。」

這次是Anson Lo首次踏足巴黎，所以除了拍MV以外，他亦有在當地遊覽，他分享道：「有周圍睇下名勝、景點，買咗少少嘢，又有探索下啲Café，坐低飲下嘢食下嘢，又或者喺條街行下。其實今次巡演又好，喺巴黎拍MV又好，最鍾意做嘅嘢唔係買嘢，而係喺條街度行，因為喺香港一落樓就上車去工作目的地，好少喺條街度行，我好想喺唔同國家嘅街上面行，感受下嗰個國家嘅Vibe係點樣，可以見到好多人唔同嘅面貌，做人處事方式，都會好好奇，齋行都好有趣好好玩。」

首次踏足巴黎的Anson Lo除了拍MV以外，亦有在當地遊覽。