一齊為悅悅祈禱，願神保佑佢。
剛出生便患有壞死性腸炎的1歲早產BB悅悅，經歷4次手術後情況反覆，上周四還突然全身出血，一度被醫生判斷捱不下去。雖然昨日媽媽指悅悅目前排尿情況樂觀，但悅悅腎臟差得比想像中快，醫生指能做的事已經不多，餘下日子主要希望悅悅能夠舒服些。
資料圖片
悅悅媽媽發文指，悅悅腎臟差得比想像中快，「排水藥都差不多做到最大劑量，醫生唔建議再加落去，因為會令身體鉀質流失。」悅悅媽媽表示，現階段醫生表示能做的事已經差不多，餘下的日子主要都是希望悅悅能夠舒服些，「悅悅依家好腫，所以都唔希望俾大家見到依家佢咁嘅樣，所以嚟緊日子都未必會張貼悅悅的近照給大家，希望大家心中悅悅的形象都係永遠的美女。」
資料圖片
早前有部分網民認為悅悅的父母自私，不肯放手讓女兒舒服離開。媽媽表示知道社交平台上有不同聲音，世事亦無絕對的對錯，「你唔踏出嗰一步打開度門，你永遠唔會知門後迎接你嘅會係一條咩路，悅悅仲未離開，我哋唔知聽日或之後會發生咩事，會唔會有奇蹟好番」。她又指，雖然悅悅的情況不樂觀，但認為「佢一日未離開，我都相信佢會想繼續堅持」，亦與醫生達成共識，不會希望悅悅辛苦地堅持。
資料圖片
最後，悅悅媽媽又表示：「如果未盡力就已經放棄，你嘅人生真係好可悲，悅悅係我嘅小朋友，我都希望可悅同可納會學識堅持兩個字，結果成功與否都唔重要，重要嘅係過程中盡咗力，堅持過就夠」，並對關注或批評他們的人致謝，「我知你都係心痛悅悅嘅人」。
資料來源：Facebook專頁「CoKa.Kona Baby」
悅悅媽媽引述醫生指，「能做的事不多，餘下日子只希望悅悅能舒服些。」