好識做喎。
人氣男團MIRROR成員陳卓賢（lan）到大型商場岀席國際品牌的香水期間限定店開幕禮，引得500名「Hellosss」（粉絲暱稱）為一賭偶像、逼滿店外及行人通道對出的玻璃外牆圍觀，當中以10歲至50歲的女性居多，有身穿校服、也有推著BB車或帶著小朋友的媽咪，還有早上8時就到現場覇位，人頭湧湧相當噓冚！
Ian所到之處都是粉絲。
當lan於2時45分開始步入店內，不單止「Hellosss」的尖叫聲震攝商場，隔離的飾品店也立即落閘避開這股風暴；品牌也隆重其事派出大批工作人員沿途為他開路、以確保其安全。lan亦隨身有4名工作人員為他補妝、整頭及吹風扇，但Ian全無架子，全程展露可愛笑容向粉絲揮手。在大會安排的chit-chat環節中，聽到是甜味香水，即大賣口乖說很適合自己的粉絲，事關粉絲很sweet；得知有粉絲生日，又即向粉絲群中高呼Happy Birthday！及向一早到場的粉絲說：「辛苦晒！」粉絲就狂呼「Ian你好靚仔」、「最鍾意係你」等，趁機互動。
lan由4名工作人員為他補妝、整頭及吹風扇，他一直展露可愛笑容。
記者問到Ian最想把香水送給誰？縱使活動不設訪問，Ian也大方回答是粉絲。問到有否送過香水給女友Amy Lo（盧慧敏）？Ian沒回答，只道有送給媽咪，但自己就沒收過，都是自己買。
lan話最想送香水給粉絲。
Ian吸引500粉絲企滿商場裏裏外外。
MIRROR衝出香港。
MIRROR前晚（11日）抵達紐約為今日（13日）在UBS Arena舉行的巡唱作準備，騷前12子更應當地FOX及CNN電視台邀請接受訪問，共由Anson Lo、Ian陳卓賢及「大表哥」Stanely邱士縉全程用流利英語回答。
MIRROR前晚抵達紐約，大批粉絲應援偶像
MIRROR亦到CNN接受訪問
於FOX 《Good Day New York》7分鐘的訪問環節內，前半段MIRROR全團跳唱與NBA球星Damian Lillard(DAME D.O.L.L.A)crossover的最新英文單曲Day 0。之後在接受兩位主持Rosanna Scotto及Curt Menefee的訪問時，Anson Lo先表示感受到粉絲對他們的支持，令他們感到非常溫暖同被愛戴，意想不到地見到咁多鏡粉接機。而當主持問及有無四圍行或者食下Pizza，Ian就話只是剛下機，睡了兩小時便急不及待到FOX接受訪問。被問到想跟誰人合作？邱士縉Stanley表示：「一定係Dame D.O.L.L.A，我哋都超級興奮，因為部份成員都係NBA球星嘅擁躉，所以能夠同Dame合作，係莫大嘅榮幸。」
前半段先表演新歌《DAY 0》
Stanley表示最想同Dame D.O.L.L.A合作
Anson Lo全程流利英語回答
Ian 都係英文擔當之一
大表哥英文都幾好
有網民睇完訪問指對MIRROR另眼相看：「嘩！衝出香港呀」、「Anson Lo、Ian啲英文幾好講真」、「Ian完勝」、「香港之光」、「前無古人好犀利」、「跳過咗羅湖」等。
事後，12子表示感到非常榮幸可以接受FOX《Good Day New York》訪問，而Anson Lo更表示「好奇妙」，「我哋以MIRROR呢個身份見識咗好多，特別係紐約，因為呢個地方真係好大，更加令我哋覺得自己好渺小，所以呢個係好好嘅第一步，令我哋更加有動力繼續前進。」而Edan亦說：「因為喺一個唔係自己熟悉嘅地方，然後要表演，仲要接受英文訪問，大家都好緊張呢次表演同訪談，但我覺得大家都好盡力做到最好。好開心有咁嘅機會，希望未來有更加多咁嘅機會。」
