陳卓賢投資六位數開健身中心 免費招待MIRROR隊友

他更揚言爭取代言遊戲機為男士謀福利。

MIRROR成員陳卓賢（Ian）有份投資的健身中心今日開幕，隊友Anson Kong、Jer、Stanley、Jeremy、Alton及Tiger專誠撐場，非常夠義氣！

因為好忙，忙到冇時間食嘢兼瞓唔好，Ian瘦咗。

健身室一眾老闆。

Ian透露向來喜歡做Gym，就算拍劇收夜亦照操，今次與朋友合資7位數，自己投資了6位數，連裝修設計也跟到足，忙到冇時間食嘢兼瞓唔好，因而消瘦不少，笑指過程恍如生BB一樣，但強調不會因副業而影響唱歌及演戲的正職。

花姐叫Ian捉姜濤上去健身。

Fans送禮賀開張。

Ian又指未有專業教練資格，不會落場教班，但會經常來做Gym，若女朋友Amy Lo到來也可安排女教練，更會免費招待MIRROR隊友！他說：「絕對不會跟他們講錢，連飲食餐單也幫他們安排好！（花姐最需要做Gym？）我不敢說她有否需要，但她很難請得郁，尤其是運動方面，若拍節目叫她減一磅就有獎金，利誘她可能會做，哈哈！（隊友中誰最懶做Gym？）一定是姜濤啦！花姐也叫我多些捉姜濤上來，他也知道是時候做Gym操Fit，要為他成立特別關注組，哈哈！」

好多花牌。

關注組人數已接近30萬。

此外，談到「我老婆嫁咗比MIRROR導致婚姻破裂關注組」熱爆網，Ian有看過其晒肌攬枕，略感尷尬，要跟各位人夫及男友說聲不好意思，但認為在帖文中看到恩愛。他又笑言MIRROR會為各位男士謀福利，爭取遊戲機及模型代言，方便「入屋」咁話！雖然自己未遇過「苦主」當面訴苦，但Ian歡迎大家跟他打招呼，也想直接跟「苦主」講不好意思，認真大方！

Ian見到攬枕覺得有啲尷尬。

健身室總投資七位數，Ian就投資咗六位數。

MIRROR衝出香港。

MIRROR前晚（11日）抵達紐約為今日（13日）在UBS Arena舉行的巡唱作準備，騷前12子更應當地FOX及CNN電視台邀請接受訪問，共由Anson Lo、Ian陳卓賢及「大表哥」Stanely邱士縉全程用流利英語回答。

MIRROR前晚抵達紐約，大批粉絲應援偶像

MIRROR亦到CNN接受訪問

於FOX 《Good Day New York》7分鐘的訪問環節內，前半段MIRROR全團跳唱與NBA球星Damian Lillard(DAME D.O.L.L.A)crossover的最新英文單曲Day 0。之後在接受兩位主持Rosanna Scotto及Curt Menefee的訪問時，Anson Lo先表示感受到粉絲對他們的支持，令他們感到非常溫暖同被愛戴，意想不到地見到咁多鏡粉接機。而當主持問及有無四圍行或者食下Pizza，Ian就話只是剛下機，睡了兩小時便急不及待到FOX接受訪問。被問到想跟誰人合作？邱士縉Stanley表示：「一定係Dame D.O.L.L.A，我哋都超級興奮，因為部份成員都係NBA球星嘅擁躉，所以能夠同Dame合作，係莫大嘅榮幸。」

前半段先表演新歌《DAY 0》

Stanley表示最想同Dame D.O.L.L.A合作

Anson Lo全程流利英語回答

Ian 都係英文擔當之一

大表哥英文都幾好

有網民睇完訪問指對MIRROR另眼相看：「嘩！衝出香港呀」、「Anson Lo、Ian啲英文幾好講真」、「Ian完勝」、「香港之光」、「前無古人好犀利」、「跳過咗羅湖」等。

事後，12子表示感到非常榮幸可以接受FOX《Good Day New York》訪問，而Anson Lo更表示「好奇妙」，「我哋以MIRROR呢個身份見識咗好多，特別係紐約，因為呢個地方真係好大，更加令我哋覺得自己好渺小，所以呢個係好好嘅第一步，令我哋更加有動力繼續前進。」而Edan亦說：「因為喺一個唔係自己熟悉嘅地方，然後要表演，仲要接受英文訪問，大家都好緊張呢次表演同訪談，但我覺得大家都好盡力做到最好。好開心有咁嘅機會，希望未來有更加多咁嘅機會。」