Alfred表示會發掘參賽者最真實一面，而祖祖則表示不會因女生而減少批評。
梁祖堯與許廷鏗（Alfred）今日（16日）以導師身份面試《全民造星IV》參賽者，二人已見足5、6日，今日即場面試反應更勁，笑言好似「觀音借庫」一樣墟冚。二人自爆分別以排舞台劇及錄歌逃離面試工作，現階段開始減少面試程序，不適合不會浪費時間只傾幾句便放人。
梁祖堯和許廷鏗將為《全民造星IV》擔任導師。
Alfred表示想發掘參賽者最真實一面，所以最忌是戴假面具面試的人：「都有啲令人喜出望外，分享咗幾句就有明顯轉變嘅參賽者，所以我都有信心做導師。」
Alfred表示最忌是戴假面具面試的人。
阿祖則表示不會因是女生便減少批評，有經驗亦不會特別加分，他說：「嚟得比賽就係想觀眾重新認識你，唔想大家有太多包袱。（熟悉面孔有着數？）都唔代表有着數，因為你應付唔到都冇辦法，大家見證了《造星》1至3，現在跳唱好高，引出好多臥虎藏龍嘅人。」
祖祖自爆試過以排舞台劇逃離面試工作。
兩位導師又分享面試「三不」，除了假面具示人、更指「擦鞋」刻意討好以及表明粉絲身份都容易出局，Alfred稱有參賽者唱《青春頌》，但明顯不適合，形容「好出事」，阿祖則指有參賽者除了討好他們更明顯想討好電視台，又指若然報名時表示是MIRROR粉絲，基本上不會有機會！
兩位導師又分享面試「三不」。
許廷鏗表示當實體唱片是自己的卡片。
許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」
Alfred日前在電車舉辦新歌試聽會及簽名會。
Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」
Alfred宣布即將海外宣傳新歌。
Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。
Alfred笑言自己與Fans沒距離。
雖然實體碟製作費好貴，但Alfred指只要有人買同要他簽名，他都會製作。
