40歲陸詩韻公開擇偶條件黃婉曼幫忙網上招親

娛圈事

40歲陸詩韻公開擇偶條件黃婉曼幫忙網上招親

2021年07月16日 17:24 最後更新：23:53

陸詩韻表示想搵一個叻嘅男人。

黃婉曼（Icy）昨晚（15日）為代言的購物平台做直播，並邀得好友陸詩韻做嘉賓，穿上Deep V裝的Icy親手炮製夏日特飲，二人邊飲邊吹水。現年40歲陸詩韻自爆現在單身，Icy更即場為她網上招親。

Icy笑謂陸詩韻是鱷魚頭老襯底，陸詩韻坦言自己每次戀愛都好投入，她自爆昨日開始「Single」，並已準備隨時再投入新一段戀愛。Icy即追問陸詩韻的擇偶條件，她說：「我而家呢個年紀冇時間浪費，我要搵一個叻嘅男人，被另一半領導我行。年紀要大啲，離婚同有小朋友都得，咁算有經歷，唔使太靚仔。」Icy更幫忙呼籲叫大家來配對，希望好友快加入人妻行列。

此外，陸詩韻最近為自家護膚品牌成立工作室，她大呻營商面對好大風險。陸詩韻更提及曾被女職員利用開支票呃錢：「佢幫公司開票，中間隔咗啲位，準備填啲字入去，之後對數先發現，我真係好嬲。」

往下看更多文章

美食新聞報道｜佘詩曼力捧嗱喳麵日賣400碗黃嘉雯嚐「阿Bob麵」揭內裏乾坤

2024年04月24日 12:30 最後更新：16:51

全新飲食節目《美食新聞報道》將於明晚（4月25日）在TVB Plus（82台）首播。

由黃婉曼、蔡雪瑩、陳嘉倩擔任主播，《美食新聞報道》本着「緊貼全球美食動向，深入分析餐廳局勢」，為觀眾帶來最新飲食情報與優惠，深入了解滋味背後的故事。從不同平台網羅超人氣食店的情報，4位「美女試食員」倪嘉雯（Carmen）、黃嘉雯（Carmaney）、廖慧儀（Jessica）及伍倩彤（Juliana）跳出錄影廠，由排隊、試食一腳踢，帶來最真實食評；推介最新的餐廳、超市行程及飲食健康資訊。單睇一班靚女已值回票價，加上豐富美食、抵買情報及螢幕互動的QR Code購物優惠，更是物超所值。

明晚（4月25日）首播，Carmaney會率先介紹一間位於太子的人氣車仔麵檔，每日賣出至少400碗麵。當中一款「阿Bob麵」，更是以藝人林盛斌（阿Bob）命名。Carmaney話該款麵賣相已夠吸引，碗面鋪滿厚厚芫茜，最合一班芫茜控。重口味湯底由鹵水汁、咖哩汁加清湯三合一而成，她說︰「因為阿Bob每次嚟都叫同一款麵，所以改咗佢嘅名，碗麵有6個餸︰蘿蔔、春卷、豬大腸、豬粉腸、紅腸、豬腩肉，每款都好入味。」原來視后佘詩曼都是該款麵的捧場客，還貼相在社交平台分享。

節目其中一環節「故事味緣」，解構餐廳背後連繫的故事。明晚登場是私房菜主廚、人稱「鬍鬚佬」的林國興，他打理的小店有「三猛」，分別是用料猛、火喉猛及背景猛。原來鬍鬚佬本來是江湖大佬，金盆洗手後投身飲食業。鬍鬚佬在節目中透露15歲在澳門一間酒店當學廚，誤入歧途後成為大佬，他說︰「結婚之後想屋企人安心，唔想自己每日凌晨先返屋企。」

鬍鬚佬的私房菜受識飲識食客人追捧，訂枱最快都要一個月，三款招牌菜︰爵士湯、棟篤雞、冰鎮咕嚕肉，試過的人讚不絕口。每晚特別環節；亦是最受食客期待的，就是鬍鬚佬煮完餸後，出來跟各人祝酒及合照，情況仿如歌星出場encore般受歡迎。

後晚（26日）除黃婉曼外，還有倪嘉雯（Carmen）、伍倩彤（Gillian）登場。Gillian推介一間鴨肉專門店，獨沽一味賣鴨。兩款主打「手撕無腰骨鴨肉黑醬油鴨肉撈粗」及「慢煮鴨肉飯」迷到萬千食客，令他們食過番尋味；而「故事味緣」主角阿湧，他大學畢業後毅然放棄本科，擔任家族酒家的大廚，每日為顧客出菜過百道。想知是愛還是熱誠，令他毅然走入「熱廚房」，密切留意後晚節目播映。