Skip to Content Facebook Feature Image

兩位大叔去飲茶

博客文章

兩位大叔去飲茶
博客文章

博客文章

兩位大叔去飲茶

2021年07月17日 18:14 最後更新:18:21

政府推出5000元電子消費券計劃,登記已經開展了兩星期,截至昨天,有近六百萬人遞交了登記,大家都十分期待使用消費券,甚至乎趁住周末,提早出街消費,感受消費券帶來的熱鬧氣氛先。

波叔今日又去飲茶。

波叔今日又去飲茶。

今日朝早,波叔都約咗另一個大叔,一齊去到香港仔飲個早茶。酒樓人氣都相當之旺,波叔就形容係「一壼普洱、兩個大叔、三盅點心,好多街坊,齊齊開心!」

好多街坊出來飲茶,齊齊開心。

好多街坊出來飲茶,齊齊開心。

原來,已經有不少食肆於七月推出七折優惠,準備食住消費券計劃個勢,八月繼續有嚟,唔怪得街坊飲茶咁開心!

街坊巧遇波叔,紛紛上前索合照。

街坊巧遇波叔,紛紛上前索合照。

見到「兩個大叔」撐檯腳,不少街坊都上前索合照,波叔就來者不拒,又趁機提醒大家,一於搵多幾個朋友、嗌多幾籠點心,齊齊消費、帶旺經濟!

街坊巧遇波叔,紛紛上前索合照。

街坊巧遇波叔,紛紛上前索合照。

Sebastian都順便提提大家,如果要在8月1日收取第一期消費券,最遲今日要完成電子登記喇!




Sebastian

** 博客文章文責自負,不代表本公司立場 **

往下看更多文章

最後機會

2021年08月14日 11:51 最後更新:12:36

唔經唔覺,政府的消費券計劃自8月1日派發了第一期的2000元後,至今都經已差不多兩個星期,唔知大家呢筆「意外之財」用成點呢?大家係每日慢慢「搣下搣下」,還是好似財爺波叔咁,買禮物請食蝦餃一日就使晒兼使凸呢?點都好啦,正如傳統智慧話齋「使左出去嘅錢先至係你嘅錢」,所以大家收到消費券後,千祈唔好留手,快快脆脆使左佢,自己開心之餘,又幫手振興到經濟,一舉兩得。

無論係一般市民或做生意的商戶,都十分歡迎消費券計劃。

無論係一般市民或做生意的商戶,都十分歡迎消費券計劃。

從今次坊間反應來看,無論係一般市民或做生意的商戶,都十分歡迎消費券計劃。登記數字上,計劃至今已收到約690萬個登記,即係差不多全港九成半的市民都已登記咗,反應都真係好踴躍。計劃明天(8月14日)午夜就截止登記,我已經叫咗我嗰一千零一個仲未登記嘅朋友,唔好搞到咁「抆」,上網登記只要用佢幾分鐘!佢仲話諗緊可能去郵局或銀行交書面表格,我唯有長氣啲提佢要留意返星期六下午不是辦公時間所以唔會收表,要預夠時間至好。

無論係一般市民或做生意的商戶,都十分歡迎消費券計劃。

無論係一般市民或做生意的商戶,都十分歡迎消費券計劃。

講開登記,我早兩日喺收音機聽到話有部分上網登記,而又選擇上載身份證做認證的市民,原來至今都仲未上載,搞到個登記做唔成、收唔到錢!希望呢班大頭蝦可以趕得切最遲8月16日,即下周一前上載完成身份核證,否則因為咁而拎唔到消費券就真係「見財化水」。

大家記得check下自己的申請係咪完成和有效。

大家記得check下自己的申請係咪完成和有效。

如果你係遞交書面登記表格,都唔好太「老定」住,我聽到局中人話佢哋所收的書面表格中,當中有不少都是無效,例如沒有附上身分證副本、填漏資料之類,政府已經向佢哋發短訊,提醒佢哋要重新遞交。如果你到呢刻都仲未確定自己的登記成唔成功,記得check下自己手機有無收到短訊通知,大家亦可以打電話去政府熱線185 000,查詢自己的申請係咪完成和有效。

至於我呢啲已經有消費券在手嘅,就梗係要繼續齊齊消費啦。過去兩個星期,我都問過下身邊親朋戚友張消費券用成點,特別關心年紀大啲嘅用唔用得掂電子支付呢?結果發現好多老友記其實都好醒,學嘢好快,用起上來無難度。雖然初期聽到話有個別電子支付平台出現咗啲唔順暢情況,但佢哋都好快修正咗。至於有個別商戶對收消費券加咗啲額外條件,我見波叔都好快拍片出來講解,話消費券購物或購買服務,不存在最低消費要求,也不容許額外收費。最近呢個星期,我見類似呢類嘅爭拗亦都好似少咗,似乎政府的訊息交待都算及時和有效。

大家要記住精明消費三步曲。

大家要記住精明消費三步曲。

講真,大家出嚟使錢,最緊要係開心。要使得開心,無論有無消費券,都記住要做個精明消費者,時刻保障好自己權益,面對商戶的不同優惠時要留意啲條款,咁就唔使俾啲無謂爭拗影響自己嘅消費心情啦。學波叔喺網誌話齋,大家要記得精明消費三步曲:睇貨價、睇支付、睇單據啦!

你 或 有 興 趣 的 文 章