首次設計遊樂場設施 林德信憶童年愛將廚具當樂器

Alex見到設施也如大細路一樣玩得好開心。

林德信（Alex）最近為「時代廣場xBotanic Union《It s Play Time!》創意植物遊樂園」擔任設計師，設計富有藝術感的遊樂場設施給小朋友玩。

Alex受童年回憶啟發，將廚具變成樂器加入設計內。

對於這次經驗Alex相當興奮，亦將兒時最愛將廚具當樂器這靈感加入設計內，令他勾起不少童年回憶，而他最希望透過這次活動，大家能夠加深環保意識。

Alex希望小朋友會喜歡他的設計，也可親身來感受這個城巿綠洲。

開心能參與今次創作的Alex，解釋靈感源自小時候回憶，「設計係同音樂同埋聲音有關，我細細個大概兩、三歲度，我媽咪話我好鍾意每晚食完飯，就會拉開個櫃桶攞晒個鑊啲嘢出嚟，跟住就會好似打鼓咁樣，所以我呢個installation就係用番我童年個興趣，再同Botanic Union一齊設計得藝術啲，但係都可以玩到呢個聲音嘅效果，係發聲嘅藝術品，可以畀啲小朋友喺度玩，同埋最開心同Botanic Union合作，就係可以有多啲綠色嘅原素可以畀啲小朋友一齊接觸到，細啲嘅時候畀佢哋快啲接觸到大自然。」

喜歡小朋友的Alex，活動當日都拖着Coffee囝囝玩。

加深環保意識

Alex今次由設計到跟團隊製作大約花了3個月時間，近兩個禮拜他見到製成品初形已好興奮，今天見到全部製成品他即化身大細路周圍玩周圍跳，他相信小朋友見到這個設施會跟他一樣high，「今次覺得最有意義係專係design for小朋友，𠵱家啲小朋友因為疫情，已經一年成日要收埋喺屋企或者少咗機會出去玩，我會形容呢度係Time Square嘅Oasis，可能你出嚟食飯行吓街，見到一個咁豐富綠色嘅世界，我諗小朋友佢哋會好開心。」

積極推動環保的Alex，身體力行早前幫手清理海底垃圾。

講到今次活動加入好多環保元素，Alex坦言feel到環保呢個主題近年變得愈來愈主流，「呢樣嘢好好，我覺得全世界嘅國家都做緊環保呢件事，其實呢個係我哋責任，係全界所有人嘅事，大家生活習慣可以好啲，希望愈多活動同大牌子，佢哋將環保變成佢哋工作模式或者生意模式，咁就更好啦！」他又好慶幸小時候能夠跟大自然好多接觸，「我細細個好好彩喺三藩巿住，可能每個weekend我哋road trip，唔係好遠揸40分鐘已經可以去啲好大嘅樹林，細個都接觸到大自然嘅環境，喺香港都有嘅，可以出去行山，但係點解巿中心唔可以綠色啲呢？！我幾年前去泰國旅行，好多商場好綠色，所以今次呢個活動好有意義，可以將綠色發大啲！」

Alex見到設施也如大細路一樣玩得好開心。

林德信透露見到哥哥同妹妹生完小朋友好似好開心、好Sweet，所以都想生BB。

林德信（Alex）與孫曉賢（Kendy）日前出席酒吧騷「Singleton Sip or Speak」，二人一早到場綵排，仲彈結他Jam歌，好快全場氣氛高漲大合唱！Alex就話二人同年出道，當年更同屬一間唱片公司，笑言呢次音樂演出似「重聚」，「其實我同Kendy都鍾意飲嘅，所以次次見面都會飲翻杯，有一次酒吧撞到佢，諗住飲杯聚吓就算，點知突然落大雨走唔到，睇嚟都似個天要我地聚多一陣。」

林德信與孫曉賢日前一同出席酒吧騷。

剛剛完成婚禮的Alex剛渡蜜月回港，佢就話呢次唔算「Honey Moon」，因為全家都參與其中，忙於打點無閒「造人」：「好多年都冇成家人去旅行，呢啲機會要好好享受吓，哥哥同妹妹幾年冇見面，連姨甥都係第一次見面咋！見佢地生完小朋友好似好開心、好Sweet想生BB，長輩都冇催我吧，生仔生女都冇咩所謂。」

林德信完成婚禮兼渡蜜月回港。

Alex指今次渡蜜月，全家都參與其中，所以無閒「造人」。

直言想生BB，生仔生女都冇所謂。

Alex就話希望來年想搞個人騷，Kendy反建議對方搞音樂節，將音樂、瑜珈、茶道大結合，Alex即席邀對方參與：「『造人』、『搞騷』唔怕一齊嚟嘅，呢啲係自己嘅挑戰，可以同步進行，可能半夜返去幫手餵奶，之後朝早再出去唱歌。」

Alex又希望來年想搞個人騷。

Kendy就建議對方搞音樂節，將音樂、瑜珈、茶道大結合。

雖然蜜月與親友同行，Kendy亦有參加，笑言Alex朋友「夠搞笑」，「佢有個法國朋友，突然用廣東話唱『少林功夫好』，真係全場都好surprise。（合眼緣叫Alex介紹？）人地有家室喇，唔好搞呢啲嘢。佢嘅Wedding真係好正，我聽到佢話想要小朋友都幾Surprise，我突然覺得佢有外父相。」

原來Kendy亦有參加Alex的蜜月之行。

而Kendy剛從日本回港，完成當地兩場音樂會，「見到有好多香港人專程嚟聽，佢地好掛住廣東歌。我都寫咗篇日文嘅謝詞，以為會好緊張，點知講講吓都喊晒。今次見到當地好多美男子，不過就冇艷遇，希望下次去再開騷時，帶埋艷遇返香港就幸福啦！」

Kendy剛在日本完成兩場音樂會。

Kendy笑指今次冇艷遇，並希望下次去再開騷時，能帶艷遇返香港。