當年前夫因工作而常去內地。
黎瑞恩（小恩子）作客黎芷珊主持的《單對單》節目最後一集昨（17日）晚播出，予人感覺樂觀開朗的小恩子，先後帶芷珊到山上玩滑翔傘及到西貢買海鮮兼體驗野外燒烤。自小便夢想自己可以飛上天的芷珊，對於願望成真大感興奮，並感激小恩子助其實現夢想。
點擊看圖輯
當年前夫因工作而常去內地。
無所不談的小恩子，被問到昔日豪門生活時笑言：「以前都係普通人咁咋，我唔可以成日畀一樣嘢框住我自己，有時我鍾意食魚旦燒賣，咪去食咯。（啲人話豪門好多規矩要守？）我好自由喎，人哋話嫁入豪門深似海，要7點鐘請安嗰啲，但我又冇喎。（有報道話你老爺錫你？）我做番我自己要做嘅嘢啫，孝順父母做仔女係必須㗎嘛。」
談到離婚，小恩子坦言當時很不開心：「坐坐吓會無啦啦喊，離婚時點都有啲覺得唔抵，但兩公婆成日鬧交，啲仔女見到都會唔開心。（當時婚姻已出現問題？）係，性格不合，佢又經常內地做嘢唔得閒。我自己性格又係，我唔信你時你講乜我都會『銀』你。」小恩子又指當時子女們都十分支持她，讓她很安慰：「佢哋話媽咪唔緊要啦，你依家咪仲開心！」她指女兒年紀很小時已很懂事，說到一半更忍不住哽咽落淚：「我生完細佬，開完刀要返屋企休養，當時個女4歲，佢走埋嚟捉住我隻手祈禱，希望神賜我健康，好感動！佢好老積㗎。」
小恩子透露最失意時，曾看過心理醫生，但由於害怕食藥，所以最後靠自己想通、以及好友們的幫忙走出陰霾。「要感激梅小惠同李國祥，喺我最唔開心時陪我傾偈：『諗吓前夫嘅成長係點，你要理解同原諒佢』，真係幫到手！但幫到手都要靠自己跳出嚟。」小恩子更指保持心境樂觀，竟令腫瘤也消失：「我都覺得好神奇，初時我發現有事係我突然喺街度暈咗，送入醫院後發現原來胰臟個瘤令我血糖得番2。我問有冇辦法，話冇藥食㗎，唯一辦法開心啲啦，通常呢啲病都係屈出嚟。」雖然經歷不開心的婚姻，但小恩子依然渴望拍拖：「我仲好有嗰種少女心。」
無所不談的小恩子，被問到昔日豪門生活時笑言：「以前都係普通人咁咋，我唔可以成日畀一樣嘢框住我自己，有時我鍾意食魚旦燒賣，咪去食咯。（啲人話豪門好多規矩要守？）我好自由喎，人哋話嫁入豪門深似海，要7點鐘請安嗰啲，但我又冇喎。（有報道話你老爺錫你？）我做番我自己要做嘅嘢啫，孝順父母做仔女係必須㗎嘛。」
談到離婚，小恩子坦言當時很不開心：「坐坐吓會無啦啦喊，離婚時點都有啲覺得唔抵，但兩公婆成日鬧交，啲仔女見到都會唔開心。（當時婚姻已出現問題？）係，性格不合，佢又經常內地做嘢唔得閒。我自己性格又係，我唔信你時你講乜我都會『銀』你。」小恩子又指當時子女們都十分支持她，讓她很安慰：「佢哋話媽咪唔緊要啦，你依家咪仲開心！」她指女兒年紀很小時已很懂事，說到一半更忍不住哽咽落淚：「我生完細佬，開完刀要返屋企休養，當時個女4歲，佢走埋嚟捉住我隻手祈禱，希望神賜我健康，好感動！佢好老積㗎。」
小恩子透露最失意時，曾看過心理醫生，但由於害怕食藥，所以最後靠自己想通、以及好友們的幫忙走出陰霾。「要感激梅小惠同李國祥，喺我最唔開心時陪我傾偈：『諗吓前夫嘅成長係點，你要理解同原諒佢』，真係幫到手！但幫到手都要靠自己跳出嚟。」小恩子更指保持心境樂觀，竟令腫瘤也消失：「我都覺得好神奇，初時我發現有事係我突然喺街度暈咗，送入醫院後發現原來胰臟個瘤令我血糖得番2。我問有冇辦法，話冇藥食㗎，唯一辦法開心啲啦，通常呢啲病都係屈出嚟。」雖然經歷不開心的婚姻，但小恩子依然渴望拍拖：「我仲好有嗰種少女心。」