逾160萬人收睇《聲夢》決賽 姚焯菲被fans圍

歌迷太熱情。

《聲夢傳奇》總決賽昨晚圓滿結束，大熱炎明熹（Gigi）一手抱走：「專業評選大獎」、「觀眾熱選大獎、以及全場總冠軍「《聲夢傳奇》傳奇新星」三個大獎，成為大嬴家。決賽的收視報捷，電視直播收視錄得23.9點（約157萬人收看），最高達24.9點（約163萬人收看），成績斐然。

完成比賽後，Chantel與fans見面。

賽事結果塵埃落定後，一眾學員及導師在錄影廠接受媒體訪問，完成後一班學員亦有親身到坐滿粉絲的另一攝影廠與支持者見面及大合照。「TVB 娛樂新聞台」專頁直擊了學員們與粉絲見面過程，片段更直擊到Gigi在台上講得獎感言時，身在另一處錄影廠的姑丈亦被她感動到掩面流淚。

Chantel的fans很熱情！

除了五強的鍾柔美（Yumi）、何晉樂（Rock）等人外，到場支持的落選學員詹天文等亦獲粉絲到場打氣，學員則為粉絲簽名。但由於「聲夢孖妹」Gigi與姚焯菲（Chantel）人氣太勁，TVB方面管制措施相對嚴格，Gigi的粉絲被安排分批影大合照，每組只有10至20秒的合照時間，亦不設簽名安排，而輪到Chantel的粉絲影大合照時安排大致相似，但到最後一批粉絲影完大合照後，有失控粉絲要求簽名，期間有一名高大男子將手上物品舉到Chantel面前，手上物件更一度碰到她的頭及幾乎擦到臉部，Chantel被嚇到花容失色，現場工作人員即時制止並將Chantel帶離人群，令場面一陣騷動。

炎明熹（Gigi）一口氣奪得三獎成《聲夢傳奇》大嬴家。

《聲夢傳奇》第二季亦隨即展開，全球網上招募即日正式展開，歡迎三十歲或以下人士報名參加。為了讓廣大觀眾對十五位聲夢學員有更深的了解，TVB將於今晚（20日）8時30分在翡翠台特別推出《 聲夢傳奇 傳奇誕生》，屆時三料得主炎明熹（Gigi）連同十四位學員、節目主持森美、音樂總監Johnny Yim、歌手導師Gin Lee李幸倪、衛蘭、AGA江海迦、周柏豪、JW王灝兒、泳兒、林欣彤、評審舒文、陳奐仁及Eric Kwok，除了分享參與比賽的心路歷程，更揭露各種聲夢秘密趣聞，包括：幕後揀歌秘密、學員與導師間之秘密關係，以及學員之間互爆對方秘密等。

炎明熹成為大贏家後，不忘與fans合照！

鍾柔美比賽後在二廠與粉絲合照。

何晉樂獲fans支持。

Gigi在台上講得獎感言時，姑丈被她感動到掩面流淚。

15位學員完成《聲夢傳奇　傳奇誕生》錄影後合照

《聲夢傳奇》收視報捷，電視直播收視錄得23.9點，最高達24.9點。

Chantel人氣太勁，與fans見面時被嚇到花容失色。

炎明熹一連三場演唱會圓滿結束！

一連三場《大家樂呈獻：炎明熹Gi-FORCE演唱會2024》，昨晚（4月14日）在九龍灣國際展貿中心舉行尾場，亦是去年十月因颱風關係，而取消的補場場次。是晚獲陳煒與丈夫陳國強、姜皓文、陳山聰與囝囝陳霆軒、李幸倪到場支持。

《炎明熹Gi-FORCE演唱會2024》來到尾場。

陳煒、陳山聰、姜皓文到場支持。

來到第三場，Gigi依然狀態大勇，又唱又跳表現落力，不過這晚的後空翻動作發生了一個小插曲，正當Gigi完成空翻動作落地時，可能用力太猛，最終Gigi被衛衣的帽「兜頭笠」，完全遮擋了視線，只見Gigi先露出既可愛又尷尬的笑容，之後秒速整理衣服繼續又跳又唱，緩解了這個蝦碌場面。

Gigi表演後空翻。

落地時可能用力太猛，最終Gigi被衛衣的帽「兜頭笠」。

除了唱自己的歌，當然少不了Gigi的「自選歌單」，當中有王菲的《守望麥田》、Serrini的《網絡安全隱患》、及陶喆的《流沙》等，Gigi笑指這張歌單由逾200首歌精心挑選，她又說：「大家知唔知呢場係補場呢？想問吓嗰時（取消）大家有冇失望？」台下即大叫「冇」，Gigi笑住讚歌迷思想正面。

Gigi笑指「自選歌單」由逾200首歌精心挑選。

在過去三場演唱會擔任Gigi音樂團隊成員的林智樂（Felix），來到尾場按捺不住，要在台上公開力讚Gigi，除了唱功了得，抗壓能力亦很強悍：「雖然有好多人讚佢，但有時都有啲好尖銳嘅留言，但佢都冇嘢，更重要係由我啱啱識佢到而家，佢個初心都冇變，對每個人都好好。有時記者朋友問我會唔會羨慕Gigi嘅事業，我覺得唔係羨唔羨慕，而係佢真係好值得擁有！」身旁的Gigi即感動表示，很少聽對方如此認真說話，並感謝對方為自己唱足三晚。

接着，Gigi獻唱《星語心願》，唱到最後那句「讓你知道我愛你」，台下即熱情回應「我都好愛你呀」。她表示小時候看電影《星願》，已經很喜歡電影的男主角，Gigi隨後唱出《對面的女孩看過來》，任賢齊（小齊）此時突然現身合唱，讓樂迷大為驚喜，更全場大合唱為演唱會掀起高潮。唱畢，Gigi說：「畀啲掌聲任前輩。」小齊謙虛感謝Gigi畀機會自己做嘉賓：「 因為我成間公司所有同事都好鍾意Gigi。噚日我喺新加坡做完演唱會返嚟，我啲夥計全部唔見晒，個個都嚟睇你，仲要一張飛都冇留畀我！同事們，聽住，聽日返工唔使咁早，好好享受今晚Gigi嘅演唱會。」他又笑謂Gigi與自己的女兒同一年出世，小齊搞笑說：「人多嘅時候叫我小齊哥，唔好叫Uncle呀。」

任賢齊驚喜現身。

小齊謙虛感謝Gigi畀機會自己做嘉賓。

之後，Gigi送上繡有小齊名字的水樽：「我知你5月份開巡迴演唱會，所以我揀咗呢個，識自己煲水嘅水樽，呢個可以直接煲水，非常方便，我都繡咗你個名喺度。」小齊自嘲年輕的時候仍會飲凍飲：「漸漸就用咗暖水壺啦，好多謝你。我真係成間公司都講，佢係未來嘅天后，希望大家都畀多啲機會Gigi。」最後小齊再為樂迷送上《我是一隻魚》，全場跟著和唱。

小齊讚Gigi是未來的天后。

除了嘉賓夠份量，這晚的驚喜同樣一浪接一浪，開騷前大批歌迷要求Gigi唱出MV在YouTube短短4天破百萬點擊的新歌《還有一艘救生艙》，收到大家的訴求後，Gigi特意於補場上送予歌迷，但卻一時感觸唱到喊，幾乎大半首歌要台下歌迷代唱，Gigi說：「我覺得我又代入咗首歌裡面，但唔係愛情，今日係最後一場演唱會，即係今日係最後嘅一次，然後大家要遠離我嘅感覺。點解今晚先揀呢首歌嚟唱？因為我想送呢首歌畀補場嘅大家，但係我真係冇用，成首都唱唔到，要大家幫我，我下次會唱好佢㗎。」台下再次大叫「加油」，為哭成淚人的Gigi打氣。

Gigi特意獻唱新歌《還有一艘救生艙》給予今場補場的歌迷。

感觸落淚。

Encore部份，Gigi特別為尾場的樂迷獻唱《你是你本身的傳奇》，坦言台下每位歌迷都是一個傳奇，一起成就了她的歌手夢，Gigi再一次落淚，對於這個人生第一個演唱會舞台、還有台下的觀眾，充滿不捨之情；唱到演唱會最後一首歌《Only For Me》，Gigi叫大家高舉手機燈和唱，望向這遍燈海，Gigi的淚水再一次滑落，令《大家樂呈獻：炎明熹Gi-FORCE演唱會2024》，在淚水與不捨之情下，感動落幕。

全場大合照。