人哋已經冇做喇。
組合MIRROR人氣爆燈，有指他們星期五將會聯同ERROR到屯門市廣場出席奧運開幕禮，引起大批粉絲熱議。前屯門樂翠區區議員盧俊宇則發文指，近日接獲街坊求助，希望他當日能「幫手排隊攞位」。
盧俊宇接獲街坊求助。盧俊宇FB圖片
盧俊宇昨晚在社交媒體發文指，一名居住在美樂花園的街坊向他傳訊息，詢問MIRROR於本周五是否會到屯門市廣場，並指自己與老公亦很喜歡成員姜濤及「Anson BB」。然而，由於兩人亦需要工作，因此擔心當日未能及早到場，「如果盧議員辦事處可以幫手排隊攞位就好了」。
盧俊宇。資料圖片
他又指，由於自己未有回覆其訊息，對方隨後再傳訊息指，「我哋有投票畀你㗎，你唔覆街坊求助太唔負責任！」他無奈地留言指，「真心瘋狂，已放block list」（封鎖名單）。
盧俊宇接獲街坊求助，希望他協助排隊睇MIRROR。資料圖片/FB圖片
不少網民紛紛留言批評涉事者的行為，直言「大佬呀唔好咁痴線啦」、「真fans點會要人排埋自己嗰份。要人排即係唔稀罕啦」、「唔係啩，幫手排隊？？？唔該發msg嘅人自己反省下啦」、「自己的星自己追！」等。另有人笑言「我好樂意提供協助，幫大家攬攬佢地全部」、「叫區議員代你去返工咪得囉」、「可唔可以幫我排市中心donki同埋壽司郎」等。盧俊宇在回覆網民則指，「老實講，我都想有人同我排呀，利申 Mirror Fans」。
資料圖片
前陣子前往英國舉行MIRROR巡唱的陳卓賢Ian，趁空檔時間於倫敦拍攝了最新單曲《Thank You Postman》的MV，當中的情節，正是上一首作品《Lost at first sight》的延續。
陳卓賢（Ian）推出新歌《Thank You Postman》。
《Thank You Postman》由Ian作曲，陳詠謙填詞，是二人繼2020年《正式開始》後再一次合作的作品，歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地，但心靈上依然形影不離，連繫一起，並憑藉寫給對方的信件聯繫感情，而郵差為這段感情扮演了重要角色。現在資訊科技發達，Ian現在都不會寫信了，但他回憶道：「我以前有寫過信，但寄就比較少，因為多數親手俾，我唔係一個好擅長用言語去表達自己嘅一個人，所以過去會選擇寫信。」雖然現在機會少了，但問到在英國巡唱時的Ian，若要寄出一封信，他選擇會寄給他的粉絲Hellosss，Ian說：「希望你哋都接收到呢封信，雖然我而家唔喺香港，但都收到你哋對我嘅支持，呢封信係回饋返呢份愛俾你哋。」
相關影片可以按以下畫面觀看：
VIDEO
影片連結：
Ian到英國巡唱趁機拍攝新歌MV。
歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地。
因為要到英國開Show，所以Ian出發前忽發奇想，他說：「既然一場嚟到，睇下會唔會安排到少少時間拍到MV一啲片段。今次呢隻歌同MV，係講男仔去咗第二個地方去追佢嘅夢想或者做佢要做嘅嘢，女主角唔係喺同一個地方，各自努力緊自己嘅嘢，其實某程度上大家好多嘢都係同步嘅。」剛好Ian身處英國，扮演女友的許恩怡Natalie在香港，二人各自分開拍攝，香港及倫敦穿插於MV畫面之中，直截了當表達了兩人分隔異地的關係。
Ian身處英國，扮演女友的許恩怡在香港，二人各自分開拍攝，直截了當表達了兩人分隔異地的關係。
由於在英國的行程緊密，Ian當日從香港飛抵倫敦，便立即投入MV拍攝，他坦言都有點吃力，他說：「第一次嚟倫敦，一落機就拍攝，因為Jet lag，都幾辛苦，呢種感覺令我諗返起當日拍攝《正式開始》MV，又係拍完劇就飛通宵機去日本，又係去到機場就即刻開始拍，係好攰，而家喚醒咗當時嘅記憶。」Ian更搞笑道：「唔得喇，好攰！我而家已經想瞓覺。」
難得身處異地，除了拍攝MV外，未知Ian可會在旅程中尋找創作靈感？他說：「又好少去尋找，有陣時係突然有啲嘢出咗嚟，多過主動去尋找。我搭飛機多數唔係好瞓到覺，所以反而係喺飛機上面，我都有寫到一首歌出嚟。」
情歌系列作品第二章。
今年這個音樂系列作品已來到第二章，被問到將會有多少個章節，Ian大賣關子道：「大家要密切留意，即係好似睇一套電影，譬如《哈利波特》，如果一早知道幾多集，就大概知道劇情點樣發展，但我想大家一路追一路期待會好啲。」想知劇情如何發展，大家都要繼續追聽下去了！
Ian欲寫信回饋粉絲愛意。
