*

陳詩欣陪鍾培生食雞蛋仔 街邊碌手機「揀女」

鍾培生曾於TVB節目坦言對異性需求大。

百億富三代鍾培生與林作將於9月假九展Star Hall進行「林鍾一戰」,掀起全城熱話。早前,有網民翻摷2018年TVB播出的《女人四十》片段,當時鍾培生對主持田蕊妮直認「對異性需求大」,令阿田不禁說:「明白點解佢搵唔到女朋友。」自爆放長假18日做愛做足52次的鍾培生目前單身,可能好Dry,老友陳爾正(Joshua)的未婚妻陳詩欣都忍唔住開IG「介紹」囡囡畀對方識!

【頭條獨家】老友未婚妻陳詩欣做媒人 鍾培生街邊食住雞蛋仔「選妃」

鍾培生於街頭疑透過陳詩欣手機揀女。

究竟鍾培生同陳詩欣有咩淵源?其實去年11月向陳詩欣求婚的陳爾正,與鍾培生是識於微時的好兄弟,近年兩人都有不少生意合作。日前傍晚6點半,陳詩欣跟Joshua出銅鑼灣搵鍾培生,《頭條日報》記者於總統戲院附近的小食店門口,撞到3人拉低口罩Share一份雞蛋仔兼吹水。其間,穿印上其口頭禪「No Bullshit. Let s go.」字樣白Tee的鍾培生,邊𡁻嘢食邊Talk,仲講到一額汗,佢不停用手臂抹額頭的汗,而在旁的陳詩欣正努力劃手機中,忽然好似發現「新大陸」般Show部機畀對方睇。

- 閱讀更多 -

Tags:

往下看更多文章