鏡粉製搭車攻略殺入屯門 再有巴士路線為MIRROR ERROR造勢

屯門街坊好大壓力！

兩大人氣組合MIRROR和ERROR將會在明天破天荒合體出席ViuTV在屯門市廣場舉行的《夏日電視賞》記者會 FB LIVE，一班「鏡粉」和ERROR的fans為見偶像一面，當然用盡方法與他們近隔離接觸！

有fans表示明天又有車身印有MIRROR和ERROR的巴士行駛屯門！

鏡粉和ERROR準備乘車攻略！

路程相當詳細。

當早前消息有指MIRROR和ERROR將會現身屯門後，已經有不少人出現焦慮症，區內人當然擔任人潮會攻陷屯門，造成交通癱瘓，區外人當然想盡任何方法，無論如果事必一定要成功進入屯門市廣場，於是今日已經有fans制定搭實路線圖，如果從港區、葵芳、荃灣、深水埗、長沙灣、尖沙咀、東涌、青衣、觀塘、黃大仙、九龍城、元朗、上水、粉嶺和大埔等地，乘坐巴士、港鐵、輕鐵和屯馬線直達屯門，他們亦提醒大家，上車前記緊去定洗手間！

有fans群組出訊息！

前夫發出黑色警告！

提醒保安人員一定要戴耳塞！

而最愛用巴士路線為偶像造勢的鏡粉，今日又在fans群組聲稱有內幕消息，表示連同「教主」Anson Lo在內，有數十架印有MIRRRO ERROR成員的巴士，明天將會行走屯門區，有指這條巴士線是行走屯門（山景邨）至灣仔（會展）的961號車，離開灣仔總站的時間將會是朝早八點！消息傳出後，fans當然四出尋找車程表，就算見不到MIRROR和ERROR，都期望可以在巴士車身打卡，有fans表示60X和52X在今晚已經安排兩班車來往九龍和屯門！

網民相當期待明天的來臨！

有網民表示今晚有車身印有MIRROR和ERROR的巴士行駛屯門！

亦有網民表示只有10多架巴士。

另一方面，FB「我老婆嫁左比Mirror導致婚姻破裂關注組」的版主，今晚亦在群組對明天發出「黑色姦夫警告訊號」：「請各前夫避免進出新界西北部，盡量向本港東南面前進，確保地勢平衡；如果你本身住係屯門，請於家中儲存足夠糧食，手制要叉足電，搵定番號以備不時之需；如果你被徵召上陣，請以輕便裝束為主，出發前做好熱身運動；如果你係嗰個商場返工，時刻做好拍片嘅準備，始終你唔知邊個會經過你門口；各位鏡粉請保持理智，做好個人衛生措施，唔好推撞，因為你點推都好，嗰16條友都係見你唔到架；各位羊，幫我同Dee哥講聲我支持佢thx時候都唔早喇，我要早啲瞓，瞓到後日！大家保重！」同時都有網民呼籲明天在商場工作保安，記緊要戴耳塞！

有網民列出其他巴士路線。

MIRROR和ERROR明天合體出動，一定逼爆屯門！

前陣子前往英國舉行MIRROR巡唱的陳卓賢Ian，趁空檔時間於倫敦拍攝了最新單曲《Thank You Postman》的MV，當中的情節，正是上一首作品《Lost at first sight》的延續。

陳卓賢（Ian）推出新歌《Thank You Postman》。

《Thank You Postman》由Ian作曲，陳詠謙填詞，是二人繼2020年《正式開始》後再一次合作的作品，歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地，但心靈上依然形影不離，連繫一起，並憑藉寫給對方的信件聯繫感情，而郵差為這段感情扮演了重要角色。現在資訊科技發達，Ian現在都不會寫信了，但他回憶道：「我以前有寫過信，但寄就比較少，因為多數親手俾，我唔係一個好擅長用言語去表達自己嘅一個人，所以過去會選擇寫信。」雖然現在機會少了，但問到在英國巡唱時的Ian，若要寄出一封信，他選擇會寄給他的粉絲Hellosss，Ian說：「希望你哋都接收到呢封信，雖然我而家唔喺香港，但都收到你哋對我嘅支持，呢封信係回饋返呢份愛俾你哋。」

相關影片可以按以下畫面觀看：

影片連結：

Ian到英國巡唱趁機拍攝新歌MV。

歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地。

因為要到英國開Show，所以Ian出發前忽發奇想，他說：「既然一場嚟到，睇下會唔會安排到少少時間拍到MV一啲片段。今次呢隻歌同MV，係講男仔去咗第二個地方去追佢嘅夢想或者做佢要做嘅嘢，女主角唔係喺同一個地方，各自努力緊自己嘅嘢，其實某程度上大家好多嘢都係同步嘅。」剛好Ian身處英國，扮演女友的許恩怡Natalie在香港，二人各自分開拍攝，香港及倫敦穿插於MV畫面之中，直截了當表達了兩人分隔異地的關係。

Ian身處英國，扮演女友的許恩怡在香港，二人各自分開拍攝，直截了當表達了兩人分隔異地的關係。

由於在英國的行程緊密，Ian當日從香港飛抵倫敦，便立即投入MV拍攝，他坦言都有點吃力，他說：「第一次嚟倫敦，一落機就拍攝，因為Jet lag，都幾辛苦，呢種感覺令我諗返起當日拍攝《正式開始》MV，又係拍完劇就飛通宵機去日本，又係去到機場就即刻開始拍，係好攰，而家喚醒咗當時嘅記憶。」Ian更搞笑道：「唔得喇，好攰！我而家已經想瞓覺。」

難得身處異地，除了拍攝MV外，未知Ian可會在旅程中尋找創作靈感？他說：「又好少去尋找，有陣時係突然有啲嘢出咗嚟，多過主動去尋找。我搭飛機多數唔係好瞓到覺，所以反而係喺飛機上面，我都有寫到一首歌出嚟。」

情歌系列作品第二章。

今年這個音樂系列作品已來到第二章，被問到將會有多少個章節，Ian大賣關子道：「大家要密切留意，即係好似睇一套電影，譬如《哈利波特》，如果一早知道幾多集，就大概知道劇情點樣發展，但我想大家一路追一路期待會好啲。」想知劇情如何發展，大家都要繼續追聽下去了！

Ian欲寫信回饋粉絲愛意。