*

被TVB新聞部欽點做節目 陳貝兒川藏高原拍攝患高山症險死

好彩無事!

最近喺川藏高原缺氧嘅陳貝兒(Janis)得TVB新聞部欽點拍節目,雖然Janis對新節目賣關子,但從訪問中可完全感受到她做節目的搏命程度有幾高,「由4月尾離港,節目足足拍咗3個月,係有史以嚟離開屋企最長時間嘅一次,而且拍攝地點氣候橫跨春夏秋冬,我貴為周圍去嘅執篋達人,咁有經驗都被考起。加上去內地拍攝,半年前已搵咗個來自北京嘅普通話老師單對單惡補,希望幕前表現好啲。」

【頭條獨家】被TVB新聞部欽點做節目 陳貝兒川藏高原患高山症險死

陳貝兒喺高原騎馬,相當威風。

對於整個旅程,Janis表示最後一站最難忘,「川藏高原高海拔4000幾米,雖然早一星期已開始食藥,但仍然有高山反應。當時個頭痛到爆炸,心口又翳住痛,呼吸好困難,要好大力先吸到好少氧氣入肺,感覺好唔舒服,藏族朋友知道叫我唔可以拖,最後要緊急送院。」

【頭條獨家】被TVB新聞部欽點做節目 陳貝兒川藏高原患高山症險死

醫生指她好彩及時送院吸氧氣。

- 閱讀更多 -

往下看更多文章