有港男指，自己與男友拍拖兩年，一直不敢公開關係，更遑論與家人坦白；直至近日《大叔的愛》劇集播出，他有感不少人都對同性戀改觀，加上父母亦追看得十分投入，故趁機向家人「出櫃」，結果竟意想不到！
《大叔的愛》影片截圖
該名港男上周六（17日）在網上討論區「Dcard」上，以「20210716 正式出櫃 多謝大叔的愛」為題發文，指自己原本跟《大叔的愛》的主角「阿田」一樣，以為自己喜歡女性，當後來發現自己喜歡男生時，他坦言感到非常無助及不知所措，亦非常介意別人的目光，「一直以嚟都唔敢同身邊朋友公開呢段關係，更加唔敢同屋企人坦白，默默承受種種嘅壓力」。
AL同Edan憑《大叔的愛》飾演「阿牧」和「阿田」爆紅。
樓主指，《大叔的愛》未大受歡迎前，不少人一聽到男同性戀都會感到「好核突」，認為「兩個男人錫、攬埋一嚿好嘔心」，他甚至曾聽過母親表示「男人老狗成何體統」，故認定母親不會接受他喜歡男性。後來《大叔的愛》爆紅，樓主欣賞主角的形象「入屋」，指劇集將「男男戀」包裝得很好，不會令觀眾反感，連其父母及朋友亦有追看，他因此萌生想向家人「出櫃」的念頭，遂帶拍拖兩年的男友到家中吃飯看大結局，兼計畫向家人坦白。
設計圖片
樓主憶述，當父母看見他「拎起咗同男朋友十指緊扣隻手」時均一臉驚恐，但隨後竟露出「老懷安慰嘅慈祥」模樣，令他感到非常意外，「佢哋竟然冇鬧我，反而仲問我：『咁你係田田定阿牧？』、『你哋邊個表白先？』、『邊個係女朋友？』」
《大叔的愛》影片截圖
樓主事後感到豁然開朗，認為《大叔的愛》對他向父母公開戀情一事，有推波助瀾之效，更興奮表示終可與男友結束「地下情」，並光明正大地牽手行街，以及隨時帶對方回家吃飯，又感謝男友一直以來的體諒。最後，樓主表示希望透過分享自己的經歷鼓勵其他男同志，「我知道現實中好多Gay couple（男同志）唔會好似套戲同埋我咁，咁好彩可以受到屋企人嘅祝福，但我知道香港人慢慢接受緊呢件事，你哋要堅持落去，希望你哋都得到祝福！」
不少網民看完帖文後，都替樓主感到高興，並送上祝福，亦有人同意《大叔的愛》的確改變了不少人對同性戀的看法，「我身邊都有個gay friend（男同志朋友），佢話之前阿爸阿媽係好反對，但睇完《大叔的愛》開始關心佢同男朋友嘅感情」、「祝福樓主！能彼此相愛係得來不易，你哋要幸福落去」。
不過亦有網民表示，反而因為看到家人觀看該電視劇時的反應，而不敢「出櫃」，「我屋企人睇完反而好大反應，鬧返我轉頭做乜睇呢啲，甚至話係唔啱嘅，佢哋搞到我更加唔敢出櫃」、「我反而見到屋企人睇完大叔的愛唔敢出櫃，佢哋好鐘意睇，但係佢笑住講咗一句『一間公司點會有4個基佬咁多』，跟住我就諗諗下就算了」。
資料來源：「Dcard」
