娛圈事
好彩有打籃球。
東京奧運今日揭幕，以往鄺潔楹（Judy）都有收睇奧運，睇跳水比賽時仲會專家上身評論運動員表現！講到最愛項目就係跳水同籃球，身高得1米55（5呎1吋）的她原來讀書時期係籃球校隊，喺《明星運動會》落場打波，仲攞埋亞軍。雖然Judy自嘲高度冇因打籃球而改變，不過比賽時都搏晒命，好有體育精神㗎！
雖然生得細粒，但Judy竟然係籃球校隊。
FB圖片
資料圖片
大王與宋芝齡當眾大耍花槍！
由森美、馮盈盈、陳若思及倪嘉雯主持的TVB全新問答遊戲節目《HOME即是識》，透過問答遊戲及做實驗等不同方法教曉觀眾家居大小事。參賽者不論藝人或素人、只要擅長處理家中大小雜事就能參加，組隊爭奪高達港幣10萬元的獎金獎品！
《HOME即是識》
《HOME即是識》
《HOME即是識》
《HOME即是識》
《HOME即是識》
《HOME即是識》
上周三（14日）晚播出的第二輪初賽由藝人隊安德尊（大王）和宋芝齡、麥美恩和鄺潔楹（Judy）擔任嘉賓；素人隊則有Joe＋Fion、Sandy＋Gladys、Samuel＋Miss Chan及Pen＋Kazaf。森美指大王和宋芝齡為休閒資訊節目《流行都市》擔任長駐主持，時常與各界專家交流，相信應該學會不少知識，不過大王卻謙稱平日只跟稿讀，引來森美忍不住窒爆：「同李錦聯對嘴嗰啲又寫畀你呀？」連向來口才了得的大王也招架不來：「嗰啲……嗰啲……嗰啲……唔係常識嚟。」經過一輪激戰，大王和宋芝齡奪得400分，僅比Mayanne和Judy領先100分，第一名則由素人隊Samuel＋Miss Chan以1000分拔得頭籌。
《HOME即是識》
明（19日）晚播出一集，嘉賓不但玩到有血光之災，歡喜冤家更當住鏡頭前互「打」大耍花槍！第二條實驗題輪到Mayanne和Judy、Joe＋Fion與Samuel＋Miss Chan對戰，任代表出戰的Mayanne「茅躉王」上身出茅招，阻止Joe哥檢查磚塊，兩人互動相當搞笑，最終由Mayanne隊估中三塊空心磚勝出，成功晉級與Pen＋Kazaf battle第三條動作題。之後輪到「哈比女神」Judy做代表，自認「短小精幹」的她對爭奪道具十分有信心，而作為男士的Kazaf並沒有留手，一來便以敦厚身形撞開兼向Judy批踭，Judy不甘示弱以「茄汁攻勢」來個大反擊，人仔細細的Judy雖然夠晒狠，但不幸手指受傷見紅，認真慘豬！
《HOME即是識》
而另一焦點，當然是緋聞情侶大王與宋芝齡當眾大耍花槍！在終極回合搶答題，大王表現雀躍狂撳鐘仔，還推宋芝齡出來作答，兩人不時出手「打」對方，猶如歡喜冤家一樣。大王更因一舉動，被森美指跟宋芝齡根本「天生一對」，究竟當中發生甚麼事呢？密切留意《HOME即是識》。
