講錢傷感情!有港女大呻,哥哥2個月前失業,母親遂要求她多付5,000元家用;礙於港女正與丈夫一起供樓,便拒絕要求,卻竟被母親斥責欠人情味兼不懂體諒,令她心感不滿,認為母親偏心哥哥。
示意圖片
該名港女在「香港討論區」發文,指哥哥在兩個月前被公司裁員,之後一直「Hea住搵工」,母親知道他現時沒有收入,無法交出家用,竟要求樓主多付5,000元家用。樓主對此感到不滿,直言已婚的自己「有頭家」,加上正與丈夫一起供樓,沒有「多餘錢拎出嚟」。
港女大呻,哥哥失業2個月卻不積極找工作,母親此時竟要求她多付5000元家用。《BB來了》劇照
不過,母親聞言後卻完成不接受,更斥責樓主欠人情味、未有體諒哥哥的處境,「佢(母親)聽到就話我冇人情味,明知阿哥冇工返,都唔主動去幫佢交家用,一啲都唔體諒阿哥」。母親又力數哥哥「點好點好」,認為「做阿妹要體諒佢而家嘅環境」。
網上圖片
樓主透露,哥哥一直不肯放下身段求職,不知道他何時才找到工作,又指從小到大,母親都較疼錫哥哥,批評母親偏心,「咩道理?阿哥嗰份我點解要畀?如果佢(母親)唔係咁偏心,我都會考慮吓,我最唔舒服個位係話我唔自覺幫阿哥畀埋家用。而家佢日日煩我,我就嚟黐線!」
資料圖片
不少網民看完帖文後,都紛紛同情樓主的經歷,有人更批評樓主母親不應單靠子女供養,著樓主「企硬」,「以香港過去40年的經濟發展,一個人去到60歲要靠仔女養,知唔知醜的?」;有人認為樓主哥哥應承擔責任、積極搵工,「這些是你哥的責任,冇工返都要自己搞掂佢。不用幫」、「問題在阿哥身上,交返個波畀佢」。
不過亦有網民指,樓主作為子女,理所當然有責任供養父母,認為樓主只是在找藉口拒絕,「家陣每個月畀$5千,唔係$5萬,出街食少餐飯,買少幾套衫,再唔係,一星期去做一兩日兼職都有,唔好講到冇能力畀」、「你當佢哋係父母就應該畀」。
資料來源:「香港討論區」
有私家車司機在公路上中「尿彈」,尿液灑滿車窗如洗車,網民逐格重播車cam助緝兇:對面線的士!
司機行公路慘遇「尿彈狂徒」
有網民於Facebook群組「車cam L(香港群組)」上載一段片長17秒的車cam片段,顯示晚上時分,受害私家車司機正在公路上行駛,突然一個載滿尿液的容器猶如從天而降,砸向了車頭玻璃,容器撞擊後破裂,尿液像瀑布般灑滿車頭玻璃,司機視線受阻,場面既嘔心又危險。
(FB圖片)
網民紛紛譴責指心理變態
影片曝光後,網民紛紛譴責「尿彈狂徒」的無良行為「痴X線,佢以為玩緊Mario Kart呀?好危險呀」、「好嘔心,一啲公德心都無」、「點解要咁做?好好玩?發洩?心理變態?」、「如果驚青司機真係會抄咗!做佢啦」、「好陰濕!好賤格!求車主心理陰影面積」、「呢啲人應該落地獄」。
(FB圖片)
網民助緝兇:對面線的士!
不少熱心網民逐格放大重播車cam片段助緝兇,更一致認為對面線的士司機是尿彈狂徒「11秒睇到係對面架的士掉過嚟」、「重播左幾次...個樽好似真係對面線飛過嚟」、「真係對面掟,你重複0:10睇」、「兩邊都有車速,所以造成好似向前掉嘅衝擊!反覆睇片後,很肯定係個的士狗!」、「慢播左,對面dc9 扔過黎,放大睇,燈下面有個拋物線」、「的士佬先會屙喺樽,睇到係對面線掟過去」。
(FB圖片)
「亂拋垃圾出車外」屬違法行為可報食環
根據食物環境衛生署網站,司機或乘客亂拋垃圾出車外,最高可被罰款港幣$25000及監禁6個月。如市民遇見有人從車廂中拋擲垃圾到車外,可向食環署舉報個案。市民可在食環署各區環境衞生辦事處及民政事務總署各區民政事務處索取「車上拋擲垃圾-舉報表格」,也可從食環署網頁下載表格。
(FB圖片)
帖文來源:Facebook群組「車cam L(香港群組)」