感動新專輯獲正評黃妍為下月音樂會緊張背熟歌曲

娛圈事

感動新專輯獲正評黃妍為下月音樂會緊張背熟歌曲

2021年07月25日 10:40 最後更新：10:40

Cath透露現階段已經有song list，要表演嘅嘢都已經學咗，之後就靠自己練習。

唱作女歌手黃妍（Cath）籌備兩年的專輯《九道痕跡》終於推出，昨日（24日）在旺角舉行簽名會，吸引逾百歌迷支持，她十分開心。她表示今次開簽名會心情興奮又開心：「都幾期待，因為時隔兩年出碟，好想面對面咁同大家分享。」

Cath指有朋友告訴她，去買碟時擔心買不到，最後買下店內最後一隻，聽到外間反應熱烈，令她好感動，她說：「暫時聽到大家嘅感覺都係positive，我當然開心！另一方面，有人話隻碟好有台灣味，我聽到呢個反應都係開心嘅。」

此外，Cath於8月27日舉行《黃妍Cath Wong 2021音樂會》，距離開show只有一個月時間，她透露已勤練表演及與製作團隊多次開會：「開始緊張，現階段已經有song list，要表演嘅嘢都已經學咗，之後就靠自己練習，同埋我要聽熟啲歌。」

往下看更多文章

孖黃妍葉巧琳現身THE FIRST TAKE 林奕匡自爆超緊張深夜練唱

2024年04月11日 11:00 最後更新：11:00

三人經過今次合作越來越有默契，更表示如果有機會都希望可以一起上綜藝！

早前林奕匡（Phil）演繹過《高山低谷》10周年版本後，帶同兩位師妹黃妍（Cath）及葉巧琳（Mischa）現身日本著名音樂頻道THE FIRST TAKE（TFT），並帶同最新作品《藝術與科學》登場。以往的藝人上TFT都會選擇自己最經典的歌曲，而三人竟選擇獻唱最新歌曲，Phil認為機會難得，就想到要寫一首好玩的作品，並找來Cath與Mischa合作，不過其實三個人音域不一，於是就選擇了一首原本為Solo的Demo，再調校音調 (Key)，令到三個人都可以去唱，由黃偉文Wyman填詞，道出男女雙方截然不同的愛情觀。

關於三位的感情觀，Phil表示本身自己性格就比較理性，漸漸受到老婆的影響而變得浪漫，且音樂的熏陶也讓他多啲sense，但以前的他完全不懂浪漫！而Mischa自爆自己其實係「戀愛腦」，只要代入戀愛時就會變得相當不理性，並表示只要是喜歡的人送嘅禮物，無論是什麼都會好鍾意。反而Cath面對感情會相當理性，她表示自己本身就是工作狂，就算讀書也是「書呆子」的性格，永遠將朋友、工作以及家人放首位，反而伴侶就會放很後面。Mischa更調侃Cath認為她是沒有遇到自己真正喜歡的人，並幫Cath公開求偶。

三人關係一直好好，這次是首次合作。Phil決定這次合作好似朋友之間出Trip，一齊去做一個挑戰錄製THE FIRST TAKE：「咁我哋係籌備當中，就不斷去苦練，去到邊度都練，因為一來我哋要夾啦，二來唔可以唔記得歌詞。所以大家玩呢隻歌之外仲建立咗我哋嘅友誼。」Mischa亦表示這次經歷一定是畢生難忘的一件事：「因為我哋三個一齊共渡咗幾個禮拜嘅時間，對大家的了解又深咗，而且我哋三個一齊去『解鎖』一樣嘢嘅感覺非常特別！」

關於三人一齊去日本的經歷，Mischa回憶道當時三人一齊去嘅日本，但扮成Mischa同Cath兩姊妹去日本旅行，但Phil不能出post「劇透」，不過錄製完之後三人亦都有一齊食餐好，一齊去玩同扭蛋！更爆料指Phil不喜歡行街，還突然自己跑去做GYM。而Phil則表示其實想要多啲時間去觀光，並透露自己去旅行特別喜歡去搭地鐵以及行超市，因為這樣能更融入與明白當地人的生活日常。

Phil自爆自己是錄製最緊張的一個，因為他需要應付兩隻歌，需要早啲起身的同時，還有時差的影響，7日的Trip第三日就需要去錄製：「我心諗我都未適應到嗰邊，而且天氣又乾又凍」因此都會相當迷茫，聲音不是平時那樣，所以只能早起開聲。Mischa亦表示凌晨都會聽到Phil在唱歌。而當中最不緊張的就是Mischa，她還會幫兩人開解。因此Phil亦感歎：「呢個就係點解組合strong過個人！」

三個人在這次合作中非常默契，Mischa表示最重要的就是相信大家，Phil亦表示做好自己本分相當重要，「因為都會知道自己係會影響其他人嘅，與其去質疑他人不如令自己變得可靠，我希望我可以做到就算隊友有差池，我都可以承接到！」Cath透露其實默契都係大家練回來的，因為開頭連幾時要望對方，站位以及長短音都夾咗好耐。三人亦表示如果有機會可以嘗試拍綜藝，並直言應該會「好好玩」。