娛圈事
Tiger仲即場做掌上壓谷肌。
MIRROR成員Jer、Tiger及Jeremy首次合作拍攝宣傳短片，化身治癒急救隊的三人表示，好鍾意呢個短片主題及構思，因為明白大家在生活中都有唔同嘅壓力，希望可以藉此為觀眾及粉絲帶來歡樂。近來行程緊湊的他們坦言較以前「貪靚」，三人均表示：「因為休息唔夠，見到自己皮膚差咗就會有壓力，所以而家都會好着重皮膚護理！」
三人好有默契。
佢哋都幾襯橙色。
在拍攝當日正是Jer的新歌發佈日，心情好的他更不時在現場哼歌。此外，他亦趁拍攝空檔為自己的新歌做宣傳，例如用電話播歌再與工作人員一齊收聽。今次拍攝只有Tiger需要着背心，為了展現更完美的肌肉綫條，他更即場做掌上壓「谷肌」，令在場的女工作人員嘩聲四起。另外，雖然同為MIRROR成員，但三人第一次以這個組合拍攝廣告，拍攝過程十分順利，他們會不時互相提點，務求「一Take過」。
資料圖片
呢張相好靚呀。
12子坦誠公開自己的戀愛狀況。
現正於美加進行《MIRROR FEEL THE PASSION CONCERT TOUR 2024》巡迴演唱會的MIRROR，繼早前接受FOX電視台訪問外，12子亦接受了CNN主播Julia Chatterley的訪問，而有關訪問於今日（4月18日）香港早上時間在CNN International頻道中播出。
MIRROR接受CNN訪問。
MIRROR在受訪時除了介紹自己的出身，以及曲風等團隊資料外，他們亦回答了連串音樂以外的問題，其中Julia問道：「我唔問Fans唔會原諒我，你哋邊個拍緊拖？」Ian即搶先回應：「我哋有一個就快結婚喇！」12子聽到都拍掌和應，就連Julia聽到都尖叫，然後眾人的目光都放在Stanley身上。Stanley也乖乖的甜笑回答：「我有一段穩定嘅關係，係我入行前已經喺埋一齊。」然後Edan又代Julia問邊個而家單身，除了他自己以外，Jer、AK、Ian、姜濤、Alton、Anson Lo及Jeremy都齊齊舉手，十分坦誠公開自己的戀愛狀況。
大爆戀愛狀況！
其實在巡演之前，MIRROR亦曾接受權威音樂雜誌《Rolling Stone》的訪問，Julia十分睇好MIRROR，所以她特別帶來雜誌讓眾人簽名，同時亦有問及大家能夠登上雜誌的感受，Stanley即表示：「太驚喜了，係好唔真實嘅一件事。」
MIRROR亦分享了工作以外的生活。
除此之外，Julia亦有問到團員之間可有拗撬，Edan就回應道：「講真我哋冇乜拗撬，但有時我哋會有唔同嘅意見，例如嚟緊我哋會出乜嘢歌，跳舞想跳邊種Style，係討論嘅情況比較多。」而Tiger亦表示，他與Jeremy是隊友之間的橋樑，如果真有拗撬，就會充當和事佬，Jeremy亦指二人有時都會採取沉默的方式，以免火上加油。其實MIRROR 12子都有自己一個WhatsApp Group，當被問及誰最少在Group內回應，Stanley即大爆：「Jer！佢成日都唔覆Message。」就連Jer自己都承認，說：「我係會失蹤㗎！」談過戀愛狀況、溝通方式後，MIRROR眾人亦分享了工作以外的生活，其中AK表示：「唔使開工我會全日同隻狗猜柴一齊，玩足一日。」Edan分享道：「我哋有啲亦會打籃球、打機。」Alton亦說：「我會揸車，因為咁樣可以有一個好個人嘅空間。」
姜濤與Anson Lo期望跟Taylor Swift合作。
在推出過〈Rumours〉及最新派台〈Day 0〉兩首單曲後，MIRROR在海外有更多人認識，被問到想跟美國或英國哪位歌手合作，AK即自爆很愛Usher，而且更即場示愛，道：「Usher，希望可以同我哋合作啦！多謝你。」Stanley則揀Bruno Mars，他說：「佢唔單只唱得好，跳舞亦十分出色。」不少隊員如姜濤及Anson Lo都揀Taylor Swift，而Tiger則鍾情Band Sound，並說：「我想同Band合作，例如Bon Jovi，可以同一啲類似嘅Rock Band合作就好了。」
