占卦的精妙

作者: 爵士

雖然跟老師學習占卦課程只是短短三個月,但已經對這個學理覺得好奇妙。第一次為兔盧學會寫文,所以就好想分享最近期為一位朋友占卦的經驗。

雖然只是學習三個月(註:現在我只學會「易經」和「梅花易數」),已經有不少身邊朋友和同事支持,找我為他們占卦,老師建議「如果覺得準的話,就需要收潤金」,所以我都開始為朋友占卦時,收取少少潤金(金額就由朋友自己而定)。自己再將潤金作慈善用途。

有一晚,朋友WhatsApp 我,話好想占下新工作見工如何? 有人上門找我占卦,當然說好,可以練習、可以解決朋友問題,又可以做善事。

因為剛到子時,未能用易經占卦,所以,以梅花易數起卦。 老師說,梅花易數 沒有單一公式 ,決定於「觸機和念動」,我想了一想,決定用年、月、日加朋友見工時間起卦。

本卦是木洩火,雖然互卦是水生木,但最後是金剋木。我判「朋友好想做這一份新工作,但新公司的要求朋友未必能達成,所以我判未必見得成新工作」。

老師常常提醒我們,梅花易數是 「簡而精」,唔好過份解讀 ,所以立即回覆朋友「支卦的結果麻麻,睇唔出同份新工有緣份,就算今次in 成,我判唔會做得開心或長」 。 朋友立即回覆:「其實今次M公司係好大的公司,有機會interview 已經好開心,自己都覺得見工過程麻麻,見成的機會好微,多謝你占卦」

我覺得見工已經完成,沒有什麼「建議」可以畀朋友,所以就完結了對話。

雖然梅花易數已經有結果,但我自己較偏愛用「易經」占卦。 易經的卦辭和爻辭解釋就是靠自己經驗和解卦的靈感。所以,第二日,我就用同一問題,幫朋友占卦。 承心起卦,結果是得出一支 「井」 卦 。

我向朋友解卦「支卦叫 「井卦」,井卦本身說問卦者, 實力不弱,所以M公司才會叫你見工,但你在事業上去拼搏,黎到這段時間,支卦反而叫你「休息下」, 要你搵返個初心,培養返啲實力,唔好咁快出去搏,可以一搏未必係好事。」

朋友:「嘩!好接近我近來嘅想法」

我續說:「因為古時用「木筒」裝水,過程中,木筒內的水一定有漏出黎,所以建議你個底要打返實啲。 反而等一等另一個機會, 要緊記「欲速不達」,我建議你搵下和自己專業有關既課程進修。」

朋友回覆:「其實我開始搵緊。」他開始分享找課程的過程。 最後,我就將朋友的潤金捐出。

二天後,朋友就告訴我M公司的見工未能成功。 所以,今次的占卦(梅花易數和易經)都是準確的。

占卦就是得微妙的事。我自己學卦都是一樣的初心,幫人解決問題。 現在,我仍在跟老師學習「文王卦」,下次有機會和大家分享另一些故事。




香港兔蘆術數學會

** 博客文章文責自負,不代表本公司立場 **