繼張家朗勇奪東京奧運男子花劍金牌後、香港女飛魚何詩蓓 今早9時40分亦出戰強項200米自由泳決賽，結果以1分53.92秒勇奪銀牌，打破亞洲紀錄，成為香港歷史性首面奧運游泳獎牌！東港城1樓中庭今晨直播賽事，同時在場內舉行一個關於奧運的展覽。未到9時半，場內已有逾半百市民、手持打氣棒，為港隊爭金集氣，當何詩蓓出場更熱烈歡呼，氣氛熱熾。

就讀中文大學三年級的何小姐，今早與師妹齊來東港城看直播賽事，賽前她說「無論香港選手做到點，佢哋已盡力，香港面對唔同社會事件，希望佢哋（選手）帶住香港人嘅精神，堅持唔好放棄，就算成績好唔好，已經凝聚我哋內心共同嘅回憶！」

雖然何詩蓓最終屈居亞軍，但已為港隊創造歷史性勇奪游泳獎牌，何小姐表示並無失望，「已經做得好好！係香港出色參賽選手，見到佢有領先，大家都好出色，期待佢之後嘅進步同發揮，比賽贏咗自己已經好犀利！」

林女士與朋友今早一早到場，等待看直播賽事，對於何詩蓓獲銀牌，她直言不會失望，「佢咁叻，之前張家朗攞咗金牌，依家何攞銀牌，其實香港對運動員好差，支援不足，運動員全靠自己努力，係值得佩服！佢哋用私人時間練習，為香港爭光，不計成敗得失。就算攞第二名，我都好開心。」

另一項不容忽視的賽事，便是乒乓球女單淘汰荷蘭球手晉級的香港「一姐」杜凱琹、今早迎戰頭號種子中國球手陳夢，若杜凱琹能再下一城，就成為首位晉身女單4強的香港運動員。