陳果笑MIRROR無處不在 黃又南自爆買樓花蝕20萬被嚇親

南與導演陳果至今合作20年。

由16歲被發掘參演處男作《香港有個荷里活》，到《那夜凌晨，我坐上了旺角開往大埔的紅VAN》及新片《鬼同你住》，黃又南與導演陳果至今合作20年，後者大讚對方處事和演技更成熟，又南坦言不想再當「𡃁仔」，希望透過《鬼》片轉型，飾演地產經紀的他更有露股鏡頭，非常突破！說到本港樓市，早年跟別人夾份買樓花的又南，自爆蝕20萬離場，令他自覺冇「上車運」，故寧專心為演藝事業打拼，也不當「樓奴」！

又南直言受師父陳果的影響，多年來對拍戲仍很有火，看到對方的成就，也自覺要再努力一點。

2002年出道的Shine成員又南和徐天佑（左）均由陳果一手發掘，當年橫掃各大頒獎禮，人氣一時無兩。

又南先後參演陳果執導的電影《香港有個荷里活》和《那夜凌晨，我坐上了旺角開往大埔的紅VAN》。

《那夜凌晨，我坐上了旺角開往大埔的紅VAN》劇照

由陳果執導的驚慄喜劇《鬼同你住》，借鬼故諷刺荒謬的香港樓市現象，陳導說：「凶宅呢個題材好多戲都拍過，我覺得加入香港住屋嘅社會問題，成件事就多咗啲衝擊，冇齋嚇人咁單調。」

香港樓價高企，又南放棄「上車」夢更輕鬆，陳果也認為：「而家上車盞死，永遠陀住條數，好大壓力。」

3年前，又南曾揚言努力賺錢買樓，報答母親養育之恩，惜這兩年經歷疫情，導致工作不穩影響收入，眼見樓市愈來愈高不可攀，如今他也打消「上車」念頭，「而家買樓愈嚟愈貴，小學同學間屋4、5百呎都900幾萬，所以都係儲多啲錢先。做演員都想畀唔同可能性自己，但一上車，每個月都要搞掂供樓，好多嘢就箍實晒做唔到，我唔想咁。」

又南曾揚言努力賺錢置業贈家人，惜早年與人夾份買樓花卻蝕20萬。

提到早年與胞姊當時男友夾買樓花，最終為止蝕心急放盤，倒蝕20萬離場，未料一年後卻狂升400多萬，令又南自覺沒上車運，「呢啲嘢永遠唔會喺我身上發生，我係要實幹，靠自己搵番嚟。」

患腦退化症的黃爸爸於去世12月離世，成為一家之主的又南努力工作擔起頭家。

當年陳果一手發掘Shine兩大少男Idol，最近輪到MIRROR和ERROR崛起，問獨具慧眼的他可會再提拔新人？陳果稱視乎劇本、角色及製片人的要求，但認為近年港片預算不多，相信不少新面孔能彈出，並謂「ViuTV嗰班藝人」將來必獲斟拍電影。不過，對於電視演員踩入影壇，陳果指觀眾接受程度一般較低，「睇電視唔使錢就睇啫，入戲院要畀錢就唔知點咁。（唔敢搵電視人拍戲？）世界係變緊，而家未知呢種現象有冇改變。」

雖然拍劇能作出更多嘗試及賺錢，但陳果認為電視圈的流水作業，難免令電影演員「滑晒啞」。

雖暫未計劃跟MIRROR和ERROR合作，但他笑道：「製片叫到唔通同錢拗氣咩！（有睇過佢哋作品？）我有睇電視，有少少飽，唱歌、做戲、主持、廣告都係你！我有少少攰，可能年輕觀眾唔覺得係問題，我都覺得旺，係好現象，但要睇將來，最難係維持曝光率同人氣，希望佢哋Keep到，改變某啲生態或舊諗法，咁香港又多好多人用。」面對長江後浪推前浪，作為男團始祖的又南也自言會努力，「我都要Run住副偈，等自己唔好生疏。」

人氣男團MIRROR近來廣告接到手軟，加上新歌、節目和劇集，無處不在，難怪陳果都笑言有啲飽。

係邊個呢？！

杜如風日前現身J2節目《數你條命》時，自爆以往多次遇上渣男，跟其中一位偷食慣犯舊愛經歷多次離合，並在節目中提供有關舊愛的電話號碼前4個數目字，事後被指竟然與前男友黃又南完全一樣，當外界矛頭直指為黃又南之際，他6月28日在社交網寫下一段長文劃清界線，並聲言已知道真正當事人是誰。

杜如風與黃又南曾傳拍拖。

杜如風近日在J2節目中稱曾遇渣男。

指對方一腳踏多船。

黃又南在社交網發長文回應指：「本來不想回應，但我不想再為這些無聊事影響到自己及我的工作夥伴。當節目及報導出街後，有些記者及朋友都有問我發生什麼事，我也一頭霧水。我打電話給Helen問清楚，她說節目中提及的那個人不是我，而是另一位藝人，至於是誰，我不方便透露，據她說是姓周的。」他又指與杜如風的關係已經超過二十年了，所以不想再拿來當話題，並指：「我和Helen長期保持兄弟關係，一直以來都會盡力互撐，至於為甚麼會發生這次事件，我也不太清楚。不過今後我也不想再回應任何跟杜如風小姐有關的事。請見諒！」

黃又南出Po反駁有關傳聞。

黃又南否認是杜如風口中所指的渣男。

杜如風在節目中透露遇到的渣男「一隻手都數唔晒」，其中一位擅長隱瞞，令她以為是正印，「但你唔知佢出面坐正咗幾多個」。她又自爆與對方多次分手又復合，「第一年拍咗三個月，第二年返嚟行咗一個月，其餘時間佢就同其他女仔拍拖，攝嚟攝去，不停翻兜。佢會自動失蹤，但佢真係好細心嘅，所有女仔嘅嘢都記得晒。」而她在節目中寫出的電話號碼，竟與前男友黃又南吻合，二人的姊弟戀傳足十幾年，但杜如風直到2020年才承認曾拍拖，兩人即使分手後仍是朋友，近年仍經常見面，她甚至曾在Facebook上載兩人的合照並「自抽」道：「生意難做，唯有夫妻檔出嚟搵錢！」

《數你條命》日前播出的一集請來杜如風任嘉賓。

舉手示意曾遇過被背叛。

師傅分析她們電話號碼中的數字密碼。

各自寫出認為是背叛者的電話號碼。

杜如風寫上的電話號碼被指與黃又南電話吻合。

近年亦不時有聯絡。