港隊劍擊選手張家朗在東京奧運奪金，全城為之而興奮，亦意外修補了一些破裂的關係！有網民指，日前全公司一同觀看張家朗的花劍金牌戰，當得知他勝出時，一名與老闆關係不太好的同事竟情不自禁與老闆擁抱，兩人因此而破冰。
張家朗勇奪奧運金牌。資料圖片
該名網民向社交媒體Facebook專頁「奴工處」投稿，指前晚（26日）與同事留在辦公室加班，全公司一同觀看張家朗出戰花劍決賽，過程中大家都非常肉緊。之後，張家朗順利勝出，「成條Team都開心到大叫」，而一名原本與老闆關係不太好的同事亦難掩喜悅，「激動得制自然反應」地擁抱老闆慶祝。
張家朗在奧運男子花劍個人賽歷史性奪金。AP圖片
樓主表示，該名同事與老闆相擁以後，雖然表現得頗為尷尬，但感受到兩人的關係能有所改善，「感覺佢哋真係破咗冰」。
網民看完帖文後笑指「一攬泯恩仇」，亦有人認為像電視劇《大叔的愛》的劇情，「田田 i love you」、「老闆係Kk?」。另外，有網民表示與同事及老闆一起觀看「女飛魚」何詩蓓衝線一刻時，「我直頭喺老闆面前激動到喊」。
何詩蓓以總排名第二晉級，而且刷新亞洲紀錄。 AP
網民指，同事得知張家朗勝出一刻，情不自禁地與老闆相擁，意外破冰。《大叔的愛》劇照
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
