ANSONBEAN(陳毅燊)加盟寰亞及天下一合組的Cool Style後,推出首支派台作《CRUSH(oh no!)》,獲公司落足重本拍MV兼舉行大型MV首播會。
  年僅20歲的ANSONBEAN雖然練得一身好舞功,但私底下非常怕醜,獲悉要與MV女主角面貼面時,ANSONBEAN嚇到成個人彈開,令現場工作人員忍俊不禁,但他堅稱「彈開」只是拍攝效果:「其實劇情講我喺間餐廳帶女主角去玩嘅場面,係囉!個距離有少少近,啲人以為我驚所以跑,其實係劇本嚟嘅,所以呢我唔係好驚,只係有少少驚啫,好似好近咁,其實冇嘢嘅!」