帖文引起不少網民熱議，有人認為樓主與其男友的價值觀有明顯分歧。
伴侶若無法在生兒育女一事上達成共識，對兩人之間的關係難免會有影響！有港女表示，男友出身於傳統家庭，家人寄望他日後會生育；不過港女由於患有多囊卵巢綜合症，擔心身體狀況不適合生育，原以為男友會體諒，怎料對方卻提出不同方法，希望可以滿足他家人的要求，令她感到委屈，不禁表示「好似我生唔到仔佢就唔會揀我咁」。
設計圖片
該名港女在網上討論區「Dcard」發文表示，去年驗身發現自己患有多囊卵巢症，日後或難以懷孕，但男友出身於傳統家庭，「佢話如果生唔到細路，佢屋企人一定會反對」，更不斷提出各種方法，嘗試滿足其家人的期望，「佢話係因為想同我一齊先會諗呢啲，跟住佢就話唔係無方法，可以搵代孕，或者結婚前試下，如果有就結婚」。
設計圖片
樓主表示，對男友的舉動感到「心噏」，認為對方重視生育問題多於她的健康，兩人更因此而發生爭執，「好似我生唔到仔佢就唔會揀我咁，但係佢又不斷強調想同我有以後」。她又指，自己拒絕男友的方案後，被對方批評不願一同解決問題，被指「好自私咩都唔想」，令她感到相當委屈，「唔明點解佢要一直逼我接受佢啲方案，其實我係咪真係佢講咁自私？」
樓主又指，不希望日後與男友的感情要靠子女來維持，認為對方將「生到仔」當成「基本門檻」，「我都唔想生唔到，都唔係我可以控制到」。而最令她不能接受的是，男友根本不想有子女，只是將生育視為滿足家人的任務。
設計圖片
帖文引起不少網民熱議，有人認為樓主與其男友的價值觀有明顯分歧，建議考慮清楚是否要與對方生育，甚至勸她提出分手，「佢完全唔想同你達成共識，仲有仲有佢條命係佢自己，你亦都唔係佢阿爸個老婆，條仔咁聽話，言聽計從自己無主見就分啦」、「咁又真係差啲，即係佢生完當禮物送比父母？唔想養就唔好生」。
不過亦有人認為樓主的男友實際上是想與她一起走下去，所以才會不斷找方法解決，「佢好想要小朋友，但你生唔到，佢依然唔諗住同你分手，反而選擇搵代母都要同你一齊，咩叫生唔到仔就唔揀你？」、「如果佢真係唔愛你，喺知道你生唔到嗰下就已經Byebye，邊有心機同你plan（計畫）咁多嘢」。
港女患有多囊卵巢綜合症，男友卻為滿足家人要求，堅持要找方法生育。《BB來了》劇照
