花姐向他表示若由其他歌手唱就會紅。
音樂串流平台JOOX公佈「聽推介2021年中榜」，MIRROR成員在20首歌曲中佔上7個席位成為大贏家，當中Edan更憑《E先生 連環不幸事件》榮登榜首，Edan喜出望外指是天時、地利、人和的配合：「當初創作《E先生》時雖然個人好鍾意，但唔知大家係咪同自己一樣，都冇乜信心，好記得花姐講過『呢首歌如果由其他歌手唱應該會大熱』呢番話令我好深刻，因為當時冇太多人留意MIRROR，擔心聽嘅人唔多。到𠵱家首歌咁受大家喜愛，我認爲係天時、地利、人和。」他認為，對於新人的第一首歌來説，是很大的鼓舞，被問到會否試唱快歌，Edan回應：「暫時冇呢個想法，因爲快歌和跳舞唔係我嘅強項。」
資料圖片
MIRROR成員Edan、姜濤、AL、AK、Jer、Ian齊奪獎。
另外，隊友姜濤的《Master Class》奪第5位；Ian(陳卓賢)的《DWBF》得第7位；Jer(柳應廷)的《狂人日記》獲第8位；Anson Lo(盧瀚霆)的《EGO》位列第11位；Anson Kong(江爗生)的《黑之呼吸》得第13位。AL指歌曲得到好成績，除了靠音樂人及歌手的努力外，還有賴「爵屎」及「神徒」身體力行，每日都單曲循環，實在功不可沒。而Jer希望大家繼續留意他的重生第三部曲！
Edan多才多藝，仲係高材生。
雖然演繹《E先生》前Edan曾被花姐潑冷水，但憑Edan努力仍然成為hit歌。
前陣子前往英國舉行MIRROR巡唱的陳卓賢Ian，趁空檔時間於倫敦拍攝了最新單曲《Thank You Postman》的MV，當中的情節，正是上一首作品《Lost at first sight》的延續。
陳卓賢（Ian）推出新歌《Thank You Postman》。
《Thank You Postman》由Ian作曲，陳詠謙填詞，是二人繼2020年《正式開始》後再一次合作的作品，歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地，但心靈上依然形影不離，連繫一起，並憑藉寫給對方的信件聯繫感情，而郵差為這段感情扮演了重要角色。現在資訊科技發達，Ian現在都不會寫信了，但他回憶道：「我以前有寫過信，但寄就比較少，因為多數親手俾，我唔係一個好擅長用言語去表達自己嘅一個人，所以過去會選擇寫信。」雖然現在機會少了，但問到在英國巡唱時的Ian，若要寄出一封信，他選擇會寄給他的粉絲Hellosss，Ian說：「希望你哋都接收到呢封信，雖然我而家唔喺香港，但都收到你哋對我嘅支持，呢封信係回饋返呢份愛俾你哋。」
相關影片可以按以下畫面觀看：
VIDEO
影片連結：
Ian到英國巡唱趁機拍攝新歌MV。
歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地。
因為要到英國開Show，所以Ian出發前忽發奇想，他說：「既然一場嚟到，睇下會唔會安排到少少時間拍到MV一啲片段。今次呢隻歌同MV，係講男仔去咗第二個地方去追佢嘅夢想或者做佢要做嘅嘢，女主角唔係喺同一個地方，各自努力緊自己嘅嘢，其實某程度上大家好多嘢都係同步嘅。」剛好Ian身處英國，扮演女友的許恩怡Natalie在香港，二人各自分開拍攝，香港及倫敦穿插於MV畫面之中，直截了當表達了兩人分隔異地的關係。
Ian身處英國，扮演女友的許恩怡在香港，二人各自分開拍攝，直截了當表達了兩人分隔異地的關係。
由於在英國的行程緊密，Ian當日從香港飛抵倫敦，便立即投入MV拍攝，他坦言都有點吃力，他說：「第一次嚟倫敦，一落機就拍攝，因為Jet lag，都幾辛苦，呢種感覺令我諗返起當日拍攝《正式開始》MV，又係拍完劇就飛通宵機去日本，又係去到機場就即刻開始拍，係好攰，而家喚醒咗當時嘅記憶。」Ian更搞笑道：「唔得喇，好攰！我而家已經想瞓覺。」
難得身處異地，除了拍攝MV外，未知Ian可會在旅程中尋找創作靈感？他說：「又好少去尋找，有陣時係突然有啲嘢出咗嚟，多過主動去尋找。我搭飛機多數唔係好瞓到覺，所以反而係喺飛機上面，我都有寫到一首歌出嚟。」
情歌系列作品第二章。
今年這個音樂系列作品已來到第二章，被問到將會有多少個章節，Ian大賣關子道：「大家要密切留意，即係好似睇一套電影，譬如《哈利波特》，如果一早知道幾多集，就大概知道劇情點樣發展，但我想大家一路追一路期待會好啲。」想知劇情如何發展，大家都要繼續追聽下去了！
Ian欲寫信回饋粉絲愛意。
