*

薛影儀簽約亞視 傾巢而出改造成為「氣質女神」

有網民大讚阿儀有勇氣。

37歲黃花閨女薛影儀雖然落選今年嘅《亞洲小姐競選2021》香港賽區,但網民唔使嗌失望住,因為阿儀挾住驚為天人嘅三點式泳衣Look,以「氣質佳麗」姿態殺入娛樂圈,率先簽約成為亞視藝人,昨天亞視仲出動梳、化、服嚟幫佢進行大改造,然後安排她去攝影房擺甫士影相。所見,阿儀只係化咗個濃妝,由內至外未見有大執。身穿啡色線衫襯白色闊身長褲及踼白膠拖嘅阿儀大媽味甚濃,仲因為「買錯胸圍戴錯bra」搞到上圍下垂。阿儀喺鏡頭前叉腰、托腮、轉身大擺甫士,影得相當投入,不過,木口木面,表現生硬。

【簽亞視】出動梳化服搣走大媽look 薛影儀被改造成為「氣質女神」

亞視出動梳化服嚟打造阿儀。

亞視安排亞姐林寶玉衝入攝影房做直擊訪問。林寶玉忍住笑問阿儀,對於第一次改善形象冇乜感受?阿儀用慢三拍回應:「做得好好呀...件衫都靚呀!」她又話好習慣面對鏡嘅,可能自己夠大膽!所以唔驚囉!亦冇學過擺甫士。至於問到點解想做藝人?她又再眼仔碌碌,遲鈍答:「因為未試過呢啲經驗!」

- 閱讀更多 -

往下看更多文章