Skip to Content Facebook Feature Image

 8月1日拎消費券無走雞?

博客文章

 8月1日拎消費券無走雞?
博客文章

博客文章

 8月1日拎消費券無走雞?

2021年07月31日 13:19 最後更新:15:33

萬眾期待嘅政府消費券,第一期$2000星期日(8月1日)就到手喇!確實諗起都興奮!我有啲friend 一早已瞄準「心頭好」,準備好一炮過買之前十五十六唔捨得嘅大額嘢,亦有friend 話鍾意細水長流「慢慢搣」,總之就各適其適、齊齊興奮啦。可以肯定嘅係,大家手上多了這筆意外之財,行街食飯買嘢時心情會爽啲,手都梗會爽啲。

萬眾期待嘅政府消費券,第一期$2000星期日(8月1日)就到手喇!

萬眾期待嘅政府消費券,第一期$2000星期日(8月1日)就到手喇!

早幾日我睇新聞,見到話成個消費券計劃至今已收到超過650萬個登記,即係全港超過九成市民都已經登記咗。當中大約500多萬個係頭兩個星期成功透過電子登記嘅市民,就會率先係星期日拎到第一期$2000嘅消費券,計番條數,即係相等於即刻向本地市場注入大約100億元的消費力,規模確實龐大!難怪近日行係條街,發覺唔少鋪頭都已經加裝咗電子支付工具,對於在疫情期間「餓」左生意好耐嘅本地零售飲食界嚟講,睇嚟已經磨拳擦掌準備好,爭取呢筆龐大消費額!

消費券計劃至今已收到超過650萬個登記。

消費券計劃至今已收到超過650萬個登記。

雖然話頭兩個星期上網登記嘅,都可以係星期日收到錢,但我都「八掛」到有啲個案,似乎係差啲手續未搞掂,所以未必可以係星期日收到券。我於是乎就向局中人打聽下,他們話的確係有啲咁嘅情況。例如,有登記人被選中要就「在港居住」聲明作抽查,但佢哋就無跟指示聯絡Deloitte(德勤),而Deloitte又搵唔到佢哋;又或者佢哋未能及時交齊所需嘅證明文件比Deloitte做核查,咁呢啲情況下個登記就即係未完成,未可以攞券住。

又有一種情況,係市民做電子登記時,選擇以上載身份證複本作身分認證,不過,佢哋係7月17日或之前,仍然未上載身分證複本,咁個登記都係未完成嘅。如果大家對自己係咪成功登記有所懷疑,或者想知自己登記的進度、使唔使再交文件或其他證明的話,可以打熱線電話18 5000,透過簡單的語音系統查詢自己的登記情況。我自己都用過條熱線,好快駁通,輸入少少資料就成功查詢到,都算幾方便。

差啲手續都唔緊要,只要盡快補齊返所需文件,在獲核實資格後仍可以在9月1日獲發第一期消費券。

差啲手續都唔緊要,只要盡快補齊返所需文件,在獲核實資格後仍可以在9月1日獲發第一期消費券。

不過,即使遇到呢啲情況,大家都唔使太過傷心,事關你只要盡快補齊返所需文件,在獲核實資格後仍可以在9月1日獲發第一期消費券。至於八月份點算?宜家外面咁多優惠,唔使旨意忍到手㗎啦,大家因自己需要預先駛啲,提早幫手促進下本港經濟,大家開心啦。

消費券步入發放階段,我聽聞各間儲值支付工具營辦商都緊張為系統做最後測試準備,希望派發當日一切順暢。不過,市民初次用起上嚟嘅時候,可能始終都要「摸一摸」。其中聽講Tap&Go「拍住賞」就好想提醒用戶,要將消費券帳戶入面嘅虛擬Mastercard卡和虛擬銀聯卡加到Apple Wallet、Google Pay或雲閃付app,先可以於本地實體商戶用消費券俾錢喎。咁大家預先聽話set好,到用券時就爽上加爽啦。

消費券步入發放階段喇!

消費券步入發放階段喇!

到底星期日消費券派發日市面的情況會係點呢?各商場食肆人流又會有幾暢旺呢?相信坊間好多口痕友以至政府官員嗰日都會睇到實!




容義用

** 博客文章文責自負,不代表本公司立場 **

往下看更多文章

最後機會

2021年08月14日 11:51 最後更新:12:36

唔經唔覺,政府的消費券計劃自8月1日派發了第一期的2000元後,至今都經已差不多兩個星期,唔知大家呢筆「意外之財」用成點呢?大家係每日慢慢「搣下搣下」,還是好似財爺波叔咁,買禮物請食蝦餃一日就使晒兼使凸呢?點都好啦,正如傳統智慧話齋「使左出去嘅錢先至係你嘅錢」,所以大家收到消費券後,千祈唔好留手,快快脆脆使左佢,自己開心之餘,又幫手振興到經濟,一舉兩得。

無論係一般市民或做生意的商戶,都十分歡迎消費券計劃。

無論係一般市民或做生意的商戶,都十分歡迎消費券計劃。

從今次坊間反應來看,無論係一般市民或做生意的商戶,都十分歡迎消費券計劃。登記數字上,計劃至今已收到約690萬個登記,即係差不多全港九成半的市民都已登記咗,反應都真係好踴躍。計劃明天(8月14日)午夜就截止登記,我已經叫咗我嗰一千零一個仲未登記嘅朋友,唔好搞到咁「抆」,上網登記只要用佢幾分鐘!佢仲話諗緊可能去郵局或銀行交書面表格,我唯有長氣啲提佢要留意返星期六下午不是辦公時間所以唔會收表,要預夠時間至好。

無論係一般市民或做生意的商戶,都十分歡迎消費券計劃。

無論係一般市民或做生意的商戶,都十分歡迎消費券計劃。

講開登記,我早兩日喺收音機聽到話有部分上網登記,而又選擇上載身份證做認證的市民,原來至今都仲未上載,搞到個登記做唔成、收唔到錢!希望呢班大頭蝦可以趕得切最遲8月16日,即下周一前上載完成身份核證,否則因為咁而拎唔到消費券就真係「見財化水」。

大家記得check下自己的申請係咪完成和有效。

大家記得check下自己的申請係咪完成和有效。

如果你係遞交書面登記表格,都唔好太「老定」住,我聽到局中人話佢哋所收的書面表格中,當中有不少都是無效,例如沒有附上身分證副本、填漏資料之類,政府已經向佢哋發短訊,提醒佢哋要重新遞交。如果你到呢刻都仲未確定自己的登記成唔成功,記得check下自己手機有無收到短訊通知,大家亦可以打電話去政府熱線185 000,查詢自己的申請係咪完成和有效。

至於我呢啲已經有消費券在手嘅,就梗係要繼續齊齊消費啦。過去兩個星期,我都問過下身邊親朋戚友張消費券用成點,特別關心年紀大啲嘅用唔用得掂電子支付呢?結果發現好多老友記其實都好醒,學嘢好快,用起上來無難度。雖然初期聽到話有個別電子支付平台出現咗啲唔順暢情況,但佢哋都好快修正咗。至於有個別商戶對收消費券加咗啲額外條件,我見波叔都好快拍片出來講解,話消費券購物或購買服務,不存在最低消費要求,也不容許額外收費。最近呢個星期,我見類似呢類嘅爭拗亦都好似少咗,似乎政府的訊息交待都算及時和有效。

大家要記住精明消費三步曲。

大家要記住精明消費三步曲。

講真,大家出嚟使錢,最緊要係開心。要使得開心,無論有無消費券,都記住要做個精明消費者,時刻保障好自己權益,面對商戶的不同優惠時要留意啲條款,咁就唔使俾啲無謂爭拗影響自己嘅消費心情啦。學波叔喺網誌話齋,大家要記得精明消費三步曲:睇貨價、睇支付、睇單據啦!

你 或 有 興 趣 的 文 章