雖然距離開季尚有一段好長日子,但不少馬房已開始加強練兵,昨朝出跳馬更是明顯增多,現將操練報道如下。
  「鵲橋飛渡」戴頭罩由助手跳兩段,一貫搶口,捉實下輕鬆完成,步幅硬朗力度唔錯,馬身夠實淨。
  「牛角仔」戴頭罩由助手跳一段,輕描淡寫走過,外觀對辦,神態集中,但比較多汗濕。
  「湛江最醒」助手跳兩段,開得快好開心,貫性側住一邊走,步順暢貫注力強,有火有力。
  「快樂歡騰」戴頭罩由助手跳兩段,長韁按住神態活躍,步挺開揚活力展現,朝氣勃勃。
  「合夥贛勁」戴眼罩由助手跳兩段,懶性唔重走勢爽朗,馬身脹卜卜,毛色油潤透光澤。
  「確妙星」戴頭罩由助手跳一段,無之前咁重口,卻也說不上收斂,神態普通,觀感一般。
  「興高采烈」戴頭罩由助手跳兩段,細馬身壯唔瘦,然而依舊搶口唔夠放鬆,進步不多。
  「三圓路」戴頭罩由助手跳兩段,按慢輕鬆走過,身壯毛色立立靚,饒具好感。
  「變數」戴頭罩由助手跳一段,慢走輕舒步頭,專注淡定,展步流暢力充足。
  「四季喜」戴頭罩由助手跳一段,捉到實跳得唔快,今季再大一個碼,骨骼長大成長表現,且表現乖巧愈見熟練。
  「銘記知心」助手跳一段,擺動馬頸唔太好睇,不過神情集中表現稱職,表現唔錯。
  「財駿」戴頭罩由助手跳一段,有肌肉夠粗身,完全唔似細粒仔,神態活躍朝氣展現。
  「快益善」戴頭罩由副練跳一段,暗力拉實火氣不弱,馬身飽滿毛色油潤。
  「南莊之歌」戴頭罩由助手跳一段,馬身壯健,神態對辦力度不弱,觀感非差。
  「得益良多」戴眼罩及頭罩由助手跳一段,精神奕奕饒具朝氣,身壯色潤,落腳又爽。
  「皇帝金」戴頭罩由助手跳一段,仲係郁身郁勢,力度亦未夠,進步不多。