Skip to Content Facebook Feature Image

入行9年首度開個唱 葉巧琳:一定會載歌載舞

娛圈事

入行9年首度開個唱 葉巧琳:一定會載歌載舞
娛圈事

娛圈事

入行9年首度開個唱 葉巧琳:一定會載歌載舞

2021年08月01日 10:30 最後更新:11:08

延續《造星III》人氣。

入行9年的唱作歌手葉巧琳(Mischa),去年參加ViuTV《全民造星III》讓更多年認識她。Mischa將於9月18日於海洋公園怡慶坊舉行一場音樂會,亦是她首個個人音樂會,她直言心情相當複雜:「有好多嘢想俾大家睇到,包括一啲舞台效果,亦有音樂劇嘅嘢,好多諗法喺個腦度,想盡量喺個演唱會度呈現最多嘢俾觀眾睇。」她預告「一定會載歌載舞」,相信足以令歌迷大感期待。

葉巧琳會為演唱會操fit。

葉巧琳會為演唱會操fit。

除了她本人,身邊親友比她更緊張,已開始去撲飛,她笑說:「我覺得今次演出同之前好唔同,因為今次大家真係買飛入嚟睇。好似我之前睇 Phil (林奕匡)演出,我感受到觀眾好期待同好鍾意佢唱歌而去買飛睇,所以我都會落力去享受個show。壓力唔算太大,因為唔會再擔心有人去judge我嘅表現,我會當係一個party咁去同大家一齊玩。」

葉巧琳參加《全民造星III》後,讓更多人認識。

葉巧琳參加《全民造星III》後,讓更多人認識。

她希望將音樂會當成是一個party。

她希望將音樂會當成是一個party。

此外,Mischa將在下月參演「風車草劇團」的百老匯音樂劇《孿孿成人禮.Falsettoland》,她不擔心影響演唱會表現,並說:「我相信9月中開演唱會時,聲音會係最佳狀態,因為之前要演音樂劇,一路鍛煉,好似做Gym咁樣,所以應該會係幾fit嘅!至於身型方面,始終係自己第一次開個人show,我都會為咗演唱會開始操fit自己,希望自己可以瘦多少少,着衫都靚啲!

唱作歌手葉巧琳將於9月舉行首個個人音樂會。

唱作歌手葉巧琳將於9月舉行首個個人音樂會。

往下看更多文章

林奕匡黃妍葉巧琳觀賞新歌《藝術 與 科學》THE FIRST TAKE首播 暢談製作秘聞

2024年03月21日 21:00 最後更新:21:55

林奕匡、黃妍及葉巧琳與Fans們一同同步觀賞首播。

演繹過《高山低谷》10周年版本後,林奕匡(Phil)這次帶同兩位師妹黃妍(Cath)及葉巧琳(Mischa)一同現身日本著名音樂頻道THE FIRST TAKE(TFT),三人這次更帶同最新作品《藝術 與 科學》登場。Phil、Cath及Mischa於昨晚(3月21日)特別現身觀塘apm商場,與Fans們一同同步觀賞首播外,亦分享了他們參與這次錄音的小故事。

林奕匡、黃妍及葉巧琳與樂迷聚首觀塘apm商場。

林奕匡、黃妍及葉巧琳與樂迷聚首觀塘apm商場。

觀賞新歌《藝術 與 科學》THE FIRST TAKE首播。

觀賞新歌《藝術 與 科學》THE FIRST TAKE首播。

Phil是三人之中獲得兩次表演機會的一個,所以他其中一首唱了過《高山低谷》,第二首就想玩味一點,他在台上說道:「第二首想好玩啲,就featuring Cath同Mischa。當時冇歌啱用,因為市面上真係好少兩女一男合唱歌,自己亦唔慣寫呢類歌,後來將一首Solo歌轉Key,就啱大家合唱了,然後再交俾Wyman(黃偉文)填詞。第一次正式收錄就係TFT,其實好冒險,因為如果唱錯歌詞,就永世都係唱錯嘅版本了。」Cath亦表示這次TFT錄音非常難,她說:「我係幾個禮拜密集式乜歌都唔練,淨係練《藝術 與 科學》。」Mischa也透露:「我哋不停去監製Edward Chan嘅Studio,模擬錄音過程,我同Cath首先要習慣對望,唔准笑,就連戴Headphone都要有技巧潛水式拉開戴上,以免影響妝容。」

到正式在日本錄音室,三個人都緊張到不得了!他們也透露了錄音時的狀況,Phil道:「入去做測試時好多工作人員喺度,但測試完離開,再一次入錄音室,啲人全部走晒,淨係得返錄影機、咪同我哋自己。然後講我哋嘅Keyword『We are ready』,就正式開始。」Mischa在錄音前哼兩聲簡單開聲表現較輕鬆,但Cath則呆站著,她自己解釋道:「我係緊張到一片空白,好在練到入晒骨,就算冇望到大字報都可以Load返歌詞出嚟。其實Mischa事前有叫我望下佢個樣,如果有咩問題,提返佢,但我真係冇望過。」

三個好友這次共同經歷一次難忘的音樂旅程,相處多了,大家對各自認識又多了,Mischa更表示:「特別係Cath更加深厚,佢有個小習慣經常做,其他同事都會知,但我唔會話俾你哋聽。」這時全場起哄,沒想到Cath會自爆道:「我成日都會放屁,但我係有公德心嘅人,會話俾大家聽我放咗屁。」Mischa聽罷即抗議:「其實你放屁唔使喺我哋企嘅範圍,可以行去冇人嘅地方。」Phil亦附和道:「你仲要放完行埋嚟!」搞笑的Cath更笑著說:「係呀,我仲會同佢哋講:『你聞吓』,其實身體好先會放屁。」Cath接著又大爆Mischa的錄音小習慣,道:「佢錄音前會痾屎呀!」更說大家會在廁所遇到,Mischa聽到Cath所說,也無奈表示:「我接唔到喇,你繼續啦。」三個人你一言我一語,爆笑全場。

爆料一輪之後,終於來到首播的一刻,Phil、Cath、Mischa與Fans望著現場的大電視,都流露出滿足的神情:Phil笑得雙眼都變成一條直線, Cath的招牌開懷傻笑,還有Mischa帶著感動的微笑,都可見他們對於這次合作甚感滿意。睇完MV後,Phil即表示:「Mischa向來比較Cool,我好少見佢笑,透過《藝術 與 科學》先可以見咁多。」Cath也透露MV裡的眼神對接,其實在事前都有練習過,她說:「一開頭係有Design咗,邊啲位要望一望,但後來投入去唱都冇太理,反正都熟練去表露出嚟。」現在成品終於面世,Phil笑言:「而家真係出咗街,第一次真係鬆一口氣,都OK喎!」至於精益求精的Mischa則表示:「我嘅表情管理要再做好啲。」

三人這次日本之旅,亦有前往富士山一帶拍攝宣傳用物料,他們在活動上亦有分享當中趣聞,隨後,Mischa唱出同樣由Phil創作的《難道我還未夠難》,而Cath則演繹了今年入圍香港電影金像獎最佳電影歌曲《日光漂白》,至於Phil,他除了首度公開演繹10周年版本《高山低谷》外,在活動尾聲,他更宣布將於4月底舉行3年來首個Mini Live,更多詳情將於社交平台公布。

三人暢談製作秘聞。

三人暢談製作秘聞。

你 或 有 興 趣 的 文 章