人氣組合ERROR成員193（郭嘉駿）社交網的追蹤人數已上升到40萬人，昨日他突然在限時動態山Post，想找兩對被封為「年度鞋王」的Air Jordan 1、Travis Scott和藤原浩Fragment Design聯乘的高低筒波鞋，留言：「I NEED THESE TWO PAIRS US 12 有冇人幫到手呀？」
193想要波鞋，網上求助反遭作家指責：「運用自身影響力自肥，令人反感。」
怎料遭作者兼KOL抨擊，以「明星，唔係咁做的。」為題，出文鬧爆193搲鞋：「人紅並唔代表做乜都得，運用自身影響力自肥，令人反感。藝人搲job見得多，搲鞋第一次見。 」、「錢就你賺，鞋就『老婆』（193粉絲暱稱）買，公平咩？」認為如果有「老婆sss」最後用上超過個月人工，買兩對鞋給他，會否覺得過意不去。指193入行前是一名buyer，應該有門路買到限量版波鞋，還寄語他：「想繼續紅下去，你要知自己咩料。」
郭嘉駿
郭嘉駿（左）
不過，網民反而覺得是作家有既定立場後上綱上線，一面倒反插對方是看圖作文：「佢無叫人送喎，一個story FF咁多？」、「人地都冇叫粉絲出錢買，只係問吓有咩方法買到姐。」最後連193都現身反擊，留言：「你真係唔識㗎喎」再加個笑到喊Emoji，有超過9,500人給Like力撐。
193留言反擊：「真係唔識㗎喎」。
193透露這是他有史以來最高Budget的MV！
郭嘉駿193推出今年首支單曲《B出口》，其實是香港年青人的愛情寫照，表達了他個人的愛情觀價值觀，他透露歌曲demo是保錡介紹的，當時他聽到國語的demo就相當喜歡，有種失戀瀟灑漫步台北忠孝東路的感覺，他更希望如果成績好亦都可以出一首國語版本。
相關影片可以按以下畫面觀看：
VIDEO
影片連結：https://youtu.be/vljXJxvPArc?si=RrqBEOHMlP8fiwDW>
郭嘉駿193推出今年首支單曲《B出口》
他透露歌曲demo是保錡介紹的，當時他聽到國語的demo就相當喜歡（本網記者攝）
更希望如果成績好亦都可以出一首國語版本。（本網記者攝）
他認為愛情有很多出口，在愛情中很多人都認為要為了對方而改變自己的性格，他認為愛情不應該要改變，「人哋只不過變成你鍾意嘅形態而唔係真係鍾意呢個人，不如你去搵一個自己真正鍾意嘅人啦，呢個世界咁大個森林，咁多個出口！」B出口就是第二的意思，可以在愛情中有自己的第二個選擇，另一個出口！
B出口就是第二的意思，可以在愛情中有自己的第二個選擇，另一個出口！（本網記者攝）
由何啟華Dee首次操刀執導MV，他認為自己相當大膽，誠邀Dee導演加盟是出於同理心：「Dee每隔幾個月就話下首MV可以搵佢做導演，大家都係冇理佢，但大約係半年前，Dee再次提起做導演的時，當時ERROR 4個人都喺度，然後我目睹另外兩位隊友扮聽唔到，然後走咗，但我肯定佢哋係聽到！當時我就記錄在案，所以今次有MV拍就搵Dee大導合作。」
今次搵隊友何啟華Dee首次操刀執導MV
193透露其實一開始搵Dee都係有小小驚，因為Dee係「執著之鬼」驚佢over太多，因此今次MV搵咗好多Sponsor，亦是他有史以來最貴的MV，但是導演亦都不「滿足」，爆料指：「佢兩個禮拜前打電話俾我，話唔夠錢做CG可唔可以一人夾一半，且數字唔細，不過我就冇覆佢啦。」並表示Dee今次圓夢甚至貼錢做MV，因為Budget爆得好誇張，並自爆差不多使用過半百萬拍攝MV。
193透露其實一開始搵Dee都係有小小驚，因為Dee係「執著之鬼」驚佢over太多（本網記者攝）
193表示MV中有爆破場景、流血、擁吻甚至還有「水乳交融」。並表示爆破場景花費6位數字，但到現場卻感覺就是吹風機吹過一樣，而原來相當誇張的流血場景，最後亦都cut到只有小小血。更有之前與193合作舞台劇的吳海昕（Sofiee）加盟演出原來過程中曾換角，193透露：「本身MV係諗住搵另一個女主角，係一個20歲左右的台灣女生，但去到開會嘅時候，Dee表示想拍攝一個橫跨十幾年的愛情故事，個嗰女仔同我年紀差太遠，十幾廿年前佢仲係粒卵子⋯⋯然後諗起Sofiee，佢同我啱啱做完舞台劇《Laugh Vacation》大家都話我同佢好襯，所以唔使諗就係佢。」
193表示MV中有爆破場景、流血、擁吻甚至還有「水乳交融」
雖然花費咁多，但193沒有後悔搵Dee做導演，因為畫面確實唯美有意境，「係我想見到嘅嘢，相當有電影感與以往靚靚仔仔偶像劇感的MV完全唔同！」最重要的還是因為自己不用貼錢！
雖然花費咁多，但193沒有後悔搵Dee做導演，因為畫面確實唯美有意境。（本網記者攝）
Make up: Cori Wong
Hair: Harris Lai
Stylist: Lok Fong
Styling assistant: Stephanie Choy
Wardrobe: I.T., JMDH, HOAX
