社會事
第一期電子消費券於昨日（1日）發放，不少市民特意出外購心頭好。有網民則於社交網發文指，在領取消費券時才發現原來一直都未曾領取交通津貼。得知真相後，他不禁大呻「蝕咗」，帖文亦引起網民的熱論與嘲笑。
資料圖片
該網民於Facebook群組「將軍澳街坊環保園」發文指，昨日（1日）於便利店利用八達通領取首期消費券時後，驚覺自己過去從沒領取政府的交通津貼，直至現在才得悉原來自己亦合資格，惟「一直無攞」。樓主亦不禁大嘆「蝕咗」，並向網民詢問，「有無人同我一樣？」。
資料圖片
帖文引起網民的熱論，紛紛留言驚訝樓主對交通津貼計畫竟一無所知，「啱啱返地球？無見過藍色綠色嗰兩部機？」、「不如講吓點解你唔知好過？」，有網民則揶揄，「幾百萬當係碎銀」、「不問世事嘅高人」。惟有人亦留言表示與樓主情況一樣，「同樓主一樣，完全唔知有交通津貼，而家先知」、「我都係第一次拎咋」。
領取消費券驚覺未攞過交通津貼，網民嘆「蝕咗」。資料圖片
資料圖片
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
