娛圈事
Alfred首度擔任主持。
許廷鏗（Alfred）今日出席ViuTV節目《AH佛．真惜玩》記者會，今次是Alfred首度擔任主持，他不惜碌爆人情卡，邀得謝安琪、林二汶及黃夏蕙等任嘉賓，自爆與夏蕙BB拖手兼玩浮潛：「節目中有跟夏蕙BB探討生死，佢話臨走前最想玩水上活動，原本佢想玩船P，但係我擔心喺海中心出事，話晒第一次做主持咋！好彩佢喺節目中玩得開心，估唔到佢仲肯同我癲，而且毫不吝嗇晒身材着潛水衣，哈哈！」
許廷鏗首度主持《AH佛真‧惜玩》，碌爆人情卡邀得謝安琪、林二汶及黃夏蕙等任嘉賓。
Alfred又指與二汶到街巿學做「豬肉鏗」最難忘，除了要劈豬肉外，又差點找錯錢，學劏魚過程亦相當恐怖，壓力甚大！他又自認眼淺，15集節目喊足一半集數，尤其是與二汶談及盧凱彤時更是激動。此外，Alfred透露除了首任主持外，也會處男下海客串電影《深宵閃避球》，與老友鄭欣宜演夫妻，更有激烈親熱戲，相信大家會爆笑！
許廷鏗稍後會客串電影《深宵閃避球》，與欣宜飾演夫妻。
許廷鏗自爆與夏蕙BB手拖手玩浮潛。
許廷鏗
許廷鏗表示當實體唱片是自己的卡片。
許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」
Alfred日前在電車舉辦新歌試聽會及簽名會。
Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」
Alfred宣布即將海外宣傳新歌。
Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。
Alfred笑言自己與Fans沒距離。
雖然實體碟製作費好貴，但Alfred指只要有人買同要他簽名，他都會製作。
