想參加《造星IV》以女團出道 阿正興奮跳唱《前傳》

好high。

商台DJ阿正（黃正宜）憑在ViuTV綜藝《膠戰》的搞笑形象人氣急升，一向被封「痴女」的她在社交網上載跳舞片段，當時她在ViuTV錄影廠拍攝《膠戰2》並遇上《全民造星IV》等候區，即開心到唱跳《造星》主題曲《前傳》！阿正更興奮到拉埋其「家姐」、《膠戰》另一主持劉沛蘅（Hillary）表演，她表示：「家姐，我哋一齊組女團！《造星IV》等候區呀！」

阿正好投入。

阿正拉埋Hillary表演。

Hillary笑住走開唔理阿正。

Hillary似乎想阻止阿正：「咩呀？你要贏咗先可以做女團！」，不過阿正一於少理，只回答：「我哋以組合形式參賽啦！」之後繼續跳唱。無奈的Hillary笑住走開，她事後留言：「我唔係唔想同你玩，係知道我贏你唔到所以直接放棄。」《造星III》參賽者旨呈就笑指她有「十強質素」，一眾網民都表示阿正可以攞冠軍，以女團出道！

阿正做《前傳》舉手動作好到位！

《膠戰2》仍在拍攝。

阿正跳唱都OK喎！

吳浩康、阿正、舒文樂出席《The Singleton Just Sing》記者會

源於1838年的The Singleton為知名蘇格蘭威士忌品牌，多年支持香港音樂會事業，除贊助不少音樂節活動外，亦支持香港音樂發展，近日全力支持耀榮文化舉行《The Singleton Just Sing》歌唱比賽，發掘樂壇超新星。於2024年4月11日，吳浩康、阿正、舒文樂出席《The Singleton Just Sing》記者會，吳浩康表示近日工作忙碌，感謝老闆願「夾期」開工：「最近都多翻好多工作，多謝咁多客戶支持、網民每一個Like！（日期地盤火災，家人擔心？）地盤好多意外潛伏，每日返工都唔係講玩，家人都知地盤危險，佢地一早都擔心咗。」

合照

吳浩康表示近日工作忙碌，感謝老闆願「夾期」開工

而電台節目主持阿正就話自己鍾意同閨蜜飲兩杯， 不過自爆酒量「麻麻地」：「 因為我平時都要做司儀，要長期保持清醒都唔敢飲，所以返到屋企先至會同啲朋。」不過講到阿正至愛嘅Jeffrey 魏浚笙，阿正話見到Jeffrey「自帶酒精效果」，望住佢長期都「暈暈哋」好有魔力，但坐對方座駕就會即時酒醒：「如果喺坐Jeffrey嘅車就冇酒醉感，反而係清醒咗，因為危機意識好強，要掹大眼睇清楚周圍，可能會喺最後一秒睇到呢個世界。 」

電台節目主持阿正就話自己鍾意同閨蜜飲兩杯

音樂監製人舒文樂見新人湧現，坦言要新血令樂壇添朝氣：「每個人的聲線都有不同的特質，我盼活動為樂壇找到新血，上去舞台放鬆去唱、享受當下最重要。」至於音樂人係咪大部份都會鍾意飲酒? 舒文話大部份音樂人都係唔清醒嘅，因為喺唔清醒狀態表現係最好，而音樂係潛意識，要用盡方法將理性抹走，而好味嘅酒精係幫助到。

音樂監製人舒文樂見新人湧現，坦言要新血令樂壇添朝氣