孖老公帶囝囝出街 車婉婉有耐性陪睇玩具

BBQ好活潑。

車婉婉於2017年以42歲高齡，為中澳混血老公Jonathon誕下混血B仔Justus（BBQ），可能一直採取「放養教育」的關係，4歲BBQ不時都撞到周身瘀傷，繼早前仆到眼角流血後，近日又暴曬到塊面又紅又腫，肉痛到婉婉也自言「要打自己三百巴掌」。日前，一家三口現身銅鑼灣，兩公婆掛住講電話，而BBQ就自己周圍走，睇實啲好喎！

婉婉掛住傾電話，老公又行得勁快，搞到BBQ冇王管周圍跑。

輪到老公講電話，婉婉終於湊番個仔睇玩具。

當日晚上7時許，車婉婉與兩父子Jonathon和BBQ現身利園二期，孭住超大Tote bag的她拎住部手機，由走廊傾到入玩具店，兩公婆亦非常有默契，大約5分鐘後婉婉一收線，Jonathon的手機就響起。二人輪流煲電話粥，BBQ全程一個人跑來跑去，又自己揀玩具，相當獨立。其間，BBQ睇中一件小玩具，仲攞畀媽咪過目，但婉婉卻對填色簿較感興趣，最後二人乜都冇買便離開，臨走她更教囝囝禮貌地向職員哥哥Say goodbye，遭撇甩的Jonathon即趕緊收線，跟上妻兒腳步。

婉婉坐低協助囝囝把玩具榨汁機中的「生果」倒進杯子。

婉婉疑在勸BBQ收拾玩具返屋企。

逛到7點半，婉婉一家三口才離開商場。

好手尾的小朋友

接着3人走進另一間玩具店，BBQ手捧住一個玩具榨汁機，跟隨店員姐姐放到小桌上，並將手揸的一個超人Lego模型仔展示給姐姐看，十分可愛。兜了一圈，婉婉便回到囝囝身邊坐低陪玩，並耐心協助對方將榨汁機中的「生果」倒進杯子中；見時間差不多，婉婉本來想叫囝囝將玩具「歸位」，怎料BBQ未玩夠，扯番低媽咪再陪玩公仔。之後婉婉開始同囝囝講道理，BBQ繞晒手又向職員發表偉論，鬼馬的婉婉即將頂粉紅色蝴蝶帽笠在囝囝頭上，BBQ即除低幫媽咪戴。最後玩到7點半，BBQ終於聽話收拾好玩具，跟爹哋媽咪離開。

婉婉夫婦趁暑假經常帶BBQ進行戶外活動

BBQ好活潑，成日搞到周身傷。

婉婉夫婦日前帶BBQ去利園二期揀玩具。

相隔23年再度「同車」，車婉婉難忘與馬明首度合作趣事：真係全日粒聲唔出

由徐正康夥拍新鮮人陳萍April擔任監製、麥世龍擔任編審的《妳不是她》，1月12日八點半翡翠台播映大結局，雖然全劇最大懸念「平行時空」經已揭盅，但據知結局依然有反轉位。11日林信（丁子朗飾）驚揭身邊的夏莉（馮盈盈飾）並非原本認識的夏莉，二人為此發生激烈爭執。12日晚二人經歷連串拉鋸及爭吵後，將作出一個令人意外的決定，密切留意！

幾經波折嘅夏莉同林信，原本已經和好如初咗。

不過因為林信意外發現咗夏莉部7G電話，令二人再度情海翻波，到底林信最後會點揀？原夏莉嘅故事又會點發展落去？密切留意大結局。

11日晚，全劇最大彩蛋馬國明亦終於登場，飾演的士司機馬明的他，劇中主要任務是與飾演林善的車婉婉發展姊弟戀。搞笑的是，現實中升呢人夫不久的馬國明，在劇中自稱單身兼性格「好鬼悶」之餘，又大談擇偶條件及兩性相處之道：「做女人唔使成日都咁Tough，唔使吓吓都死頂，間唔中流露番少少女性溫柔，需要膊頭咪開聲咯。好多男人見到太強嘅女人，佢哋就縮唔敢追架喇」、「唔係每個男人都鍾意小鳥依人嘅，我就唔鍾意湊女喇，我鍾意啲女人係成熟啲，有自信啲，兩個人相處最緊要夾唔夾。」

馬國明以「真名」上陣演的士司機，勁有代表性。

車婉婉形容呢一段關係係「倒後鏡之戀」。

馬明演暖男真係啱晒數。

車婉婉見到以前可以一日唔講嘢嘅馬明，突然變得今時今日咁talk得，相信一定覺得好Funny。

馬明喺劇中大談兩性相處之道。

齋睇表面證供，馬國明繼《新聞女王》再於《妳不是她》中與婉婉正面交鋒看似甚有淵緣，原來二人緣份早於23年前經已啟動！現正忙於演唱會綵排的婉婉，百忙中抽空受訪時透露原來與馬國明於2001年拍攝《不必剎掣》MV時已首度合作，當年二人除了同樣飾演情侶，馬明亦巧合地在MV中飾演司機，二人相隔23年再度「同車」，可謂別具意義；婉婉更對昔日的馬明近乎有讚冇彈，並笑指當年的馬明可以「全日唔講嘢」：「我同馬明都真係有特別緣份，當時拍嗰隻MV時，我覺得呢個男演員好斯文，全日冇講過嘢，全日呀吓，拍咗一日架！同埋佢又高啦，樣又靚仔，身形又好，所以我對佢有好深刻印象。後尾佢愈嚟愈紅，我就發現佢原來都幾活潑同幾好笑，但已經冇機會再合作。估唔到一直去到最近，又突然連續同佢有番合作，仲有對手戲添，所以好開心，好有親切感。」

馬明今次為咗力撐新進監製，幾忙都勁爽快地一口答應客串演出，圈中出名嘅好好先生，果然名不虛傳。

據知馬國明是次答應客串馬明一角，全因為了支持新進監製April，更是百忙中抽出空檔拍攝，絕對是有情有義代表。其實April與馬明亦相當有緣，二人先後於《白色強人》系列及《降魔的2.0》中合作過。