*

upload_article_image

著長袖衫街頭暴曬拍劇 周柏豪王敏奕咬晒耳仔

非常投入角色。

自從前年榮升人父後,36歲的周柏豪好努力賺奶粉錢,近年主力拍TVB劇又升呢《聲夢傳奇》導師的他,將率領一眾學員於本月12至15日假麥花臣場館舉行畢業騷。日前,柏豪現身深水埗為新劇《旁觀者》拍外景,同場仲有TVB副總經理曾志偉的新抱仔王敏奕(Venus),二人在攝氏34度高溫下穿長袖衫拍談情戲,熱到滴晒汗,但為部劇冇辦法,兩人埋位前已拖實手仔又咬耳仔,非常投入角色。

【頭條獨家】34度高溫街頭暴曬拍劇 周柏豪王敏奕笑住咬耳仔抗熱

拍攝期間,Venus與柏豪咬晒耳仔密密斟。 

【頭條獨家】34度高溫街頭暴曬拍劇 周柏豪王敏奕笑住咬耳仔抗熱

Venus仲被𠱁得哈哈大笑

「比比鳥頭」一直是周柏豪的招牌髮型,不過近日為拍TVB懸疑新劇《旁觀者》一改形象,染了一頭淺啡髮,兼梳韓仔旁分瀏海髮型,瞬間由星夢男歌手變「Oppa」。劇中,柏豪飾演性格分裂的Cafe老闆,「暖男」的另一面是連環殺手,所以劇中不乏殺人及分屍等場面,亦與扮演女警的王敏奕發展感情線。早前《頭條日報》記者見到柏豪與Venus在深水埗拍外景,前者戴上文青金絲框眼鏡,驟眼睇十足「哈利波特」咁款。

- 閱讀更多 -

往下看更多文章