讚老闆麥浚龍係暖男 王嘉儀孖岑寧兒陳嘉開Show　

今個星期五會舉行音樂會。

首屆《超級巨聲》出身的王嘉儀（Sophy）一直以獨立歌手身份闖樂壇，去年更憑專輯《殘》獲金音創作獎兩項提名，今年由台灣回歸香港發展的她，上月中宣佈加盟麥浚龍（Juno）主理的幻・國文化，本周五（6日）更聯同岑寧兒、陳嘉、WHIZZ為《樂壇已死》班底策劃的《大世代OVERLAP》音樂會Jam出新火花。Sophy直言樂見大眾對本地音樂的關注度愈來愈高，自己亦會繼續努力創作。

Sophy稱與新公司在創作上均有探索精神。

Sophy正式加盟Juno主理的幻・國文化。

常說「樂壇已死」，入行12年一直創作音樂的王嘉儀卻不認同，甚至對香港樂壇充滿希望，亦對廣東歌有情意結，故會堅持做好音樂，「當有人話樂壇已死，但其實有股力量都重生緊，或者係一個新生命發展緊。（新生代歌手更團結？）喺香港做音樂有種互相扶持嘅感覺，特別係我頭幾年自己做，好多朋友都仗義幫手，可能近年目光多咗就發現大家嘅凝聚力、親切感，見到百花齊放我都好開心，希望唔同Style、有才華嘅人愈嚟愈多機會。」

Sophy將於周五在《大世代OVERLAP》音樂會演出。 

愛作新嘗試的Sophy近日也多接觸Fashion shooting。

同Juno有機會合作

在台灣發展年多的Sophy獲得更多創作靈感。

在台演出後，令Sophy領悟到創作需跳出Comfort zone外，也讓她遇上幻・國團隊並一拍即合。正籌備新專輯的Sophy盼在內容上更成熟、大膽，「愈大膽就愈多養分畀樂迷，呢個年代大家接受嘅嘢好闊，所以我期待更多嘢玩，嘗試唔同曲風。（同老闆出合唱歌？）都唔排除。」說到曾跟Juno會面，她大讚對方好溫暖，「記得有次為佢演出做開場，食飯嗰陣佢嗌多咗盒菜，所以畀咗我食，令我發現佢係暖男。佢都好支持我做音樂，叫我Keep shining，好窩心。」

Sophy曾參與首屆《超級巨聲》。

Sophy獲恩師趙增熹鼓勵到台灣一闖。

Sophy對香港樂壇充滿希望，自己亦會繼續努力創作。

王嘉儀Sophy指新專輯受到老闆麥浚龍及填詞人黃偉文的啟發，進一步發掘自己的獨特性。

用上接近兩年的時間，王嘉儀（Sophy）的最新個人大碟《水性揚花》終於面世。在踏入30歲的關口，Sophy從自身出發，經歷思考、自省過後，創作出12首作品，收錄在碟中，而受到老闆麥浚龍及填詞人黃偉文的啟發，Sophy進一步發掘自己的獨特性，為《水性揚花》這張專輯帶來更多驚喜。

王嘉儀推出最新個人大碟《水性揚花》終於面世。

收錄了12首作品。

一看見碟名《水性揚花》，很多人還以為寫錯字，但其實是Sophy刻意將「楊」字換上「揚」字，Sophy解釋碟名由來及當中創作意念，道：「好多人覺得水性楊花係貶義，但專輯個名就用《水性揚花》，係想將呢個貶義重新定義，變成有力嘅一件事。」而這次重新定義，源自Sophy正經歷人生重要關口，「一開始做呢隻碟就諗：乜嘢為之女人？因為自己正跨越29到30歲嘅關口，喺呢個問題上做創作，然後發現人係需要某一種柔軟、某一種女人特質，去面對呢個世界，所以呢種柔軟貫穿咗呢隻碟。」

Sophy表示刻意將「水性楊花」的「楊」字換上「揚」字。

除了自身，過去疫情的反覆狀態，也令Sophy反思，她說：「水嘅意象，好紀錄到我哋呢個年代呢種狀況，喺疫情做呢隻碟，有好多飄浮不定嘅狀態，喺台灣錄歌時突然有第5波疫情，呢啲不能控制嘅因素不停喺我哋身邊發生，點樣可以面對呢啲飄忽、混沌？我哋要揚起我哋嘅水花，散發當中嘅力量。」

Sophy借新專輯自省人生。

Sophy也自認是一個「水性楊花」的女子，所以希望借用這個食字，貫穿全碟的Concept，「我好鍾意涉獵各種類型唔同曲風，所以我都係水性『楊』花嘅女Artist。呢隻碟由兩年前開始製作，入面有12首歌，分兩Part，第一Part係『水性』，都係迷幻、電子，大家可以好似海浪一樣喺到跟住歌曲un，郁下、飄下；第二Part係『揚花』，希望大家可以喺呢個混沌裡面，透過歌曲搵到一啲力量，揚起自己嘅浪花，繼續前行，最後就回歸自己內在嘅呢喃。」在編曲上，Sophy也花了不少心思，讓整張專輯的概念更見突出，她分享道：「成張碟係一個旅程，由電子音樂開始，到曲風慢慢變到比較多真樂器，到最後係用咗全真樂器編曲，有一種回歸自己內心聲音，回歸原始嘅王嘉儀演唱嘅模樣，係一個好圓滿嘅作品。」

Sophy自認是一個「水性楊花」的女子。

《水性揚花》終於面世，回想過去Sophy坦言有血有淚，「今次好多音樂人都係自己親自去邀請，由零開始，成件事都好多血汗，滴在我嘅歌裡面，希望大家喜歡，同埋搵到一啲療癒嘅感覺或者力量。」整個企畫中，若要數最難忘的，必定是得到黃偉文的啟發，做出了《我們的鬼魂》一曲，Sophy道：「《我們的鬼魂》好大程度係受到黃偉文歌詞啟發，佢用咗我Demo入面一啲聲音特質，覺得當中一啲ad lib聲音樂好似鬼但又好王嘉儀，所以就賜咗一個鬼故事俾我，亦因為咁我先發現自己把聲可以咁飄，咁似鬼魂嘅聲音。」

專輯中最令Sophy難忘的，必定是得到黃偉文的啟發，做出了《我們的鬼魂》一曲。

另外，老闆Juno的一句話，也讓Sophy面對真正的自己，令歌曲成品更見「入肉」，Sophy說：「Juno喺我揀Demo嘅時候，有聆聽到我唔同曲風，佢有問到我有邊啲歌係比較內心嘅你，佢呢個問題某程度上Click中咗我某部份最寶貴嘅自己。」

老闆Juno的一句話亦令Sophy面對真正的自己。

值得一提，這次《水性揚花》12首作品中，不乏廣東歌、國語歌及英文歌，Sophy表示，其實做音樂不用過於局限自己，聽音樂的亦一樣，「我不嬲寫歌都鍾意跨曲風跨語言，寫Demo鍾意有英文歌。其實大家對於乜嘢為之香港嘅音樂，乜嘢係廣東歌，個定義已經愈嚟愈寬闊、寬鬆，其實隨心所欲，諗到乜嘢咪寫低，唔一定要限死一個語言，我香港台灣兩邊走，都係水性『揚』花嘅狀態，只要係自己嘅創作，用乜嘢語言都冇所謂，希望大家會聽慣呢種新鮮做法啦！」

《水性揚花》12首作品中不乏廣東歌、國語歌及英文歌。