*

upload_article_image

Executive日記——響應「全城起動 快打疫苗」行動 旅發局大抽獎 送二萬個本地遊

  谷針抗疫,令香港早啲回復常態,人人有責。今次排到旅遊發展局出獎品,局方為響應接種疫苗計劃,推出「賞你遊大抽獎」,打咗一針就可以參加,一萬個中獎幸運兒每人會得到兩個本地遊嘅名額,可以開心欣賞香港嘅美景。仲未打針嘅,Kelly認為唔好再等啦!
  旅發局朋友話,凡於今年八月三十一日或之前年滿十八歲並持有香港身份證嘅居民,喺本地打咗一劑疫苗,就可以參加呢次抽獎。參加者須於活動網站登記,局方會抽出約一萬名得獎者,每人獲得指定嘅免費「賞你遊」旅行團名額兩個(每個團費價值五百元),而參與旅行團嘅人士亦須喺本地打一針。
  Kelly好鍾意香港嘅山山水水,仲打齊兩針,所以一定記住明日起至呢個月三十一日期間登記參加抽獎(https︰//luckydraw.discoverhongkong.com),mark好日曆,等九月十日嘅抽獎結果。
  旅發局主席彭耀佳博士話:「為咗支持政府鼓勵疫苗接種的活動,旅發局推出大抽獎,送出『賞你遊香港』旅行團名額,帶領市民遊歷本港不同地區特色美景及品嚐美食,以回饋及鼓勵市民接種疫苗,為本港抗疫出一分力,並藉營辦本地遊向旅遊業界繼續提供支援。」好有心噃,小妹支持。
Kelly Chu

往下看更多文章