上演戲班增值自己 JER期待孖姜濤接拍彭秀慧新戲

今日為新碟舉行簽名會。

Jerr（柳應廷） 今日為主唱的《媽媽的神奇小子》電影主題曲《神奇之路》舉行單曲碟簽名會，日前頭條日報獨家報道Jer憾低魏浚笙（Jeffrey），將聯同隊友姜濤合作演出彭秀慧的新戲，對於被指揮低Jeffrey奪得電影角色，Jer承認有到電影公司試鏡，但未收到任何消息，暫時什麼都不知道，等公司安排。提到Jeffrey失去角色仍大讚他很厲害，得到角色是實至名歸。Jer即謙稱：「Jeffrey都好勁、又大隻又靚仔，講靚仔梗係靚仔過我好多，佢只不過係講客氣說話。」

Jer表示仍未收到電影公司的通知。

問到是否很期待能初登大銀幕？他直言：「當然期待有機會拍戲，之前拍劇集《男排女將》係好玩嘅嘗試。（對自己的演技有否信心？ ）我仲係喺學習階段，喺呢個行業我仲係好新，雖然曾經拍過MV，亦參演過《男》、但對白不多，因此喺方面尚未能預見，而我亦一直有上演戲班增值自己。」

「柳柳粉」晨早排隊支持。

此外，簽名會只有100個名額，但吸引了大批「柳柳粉」晨早到場、更冒雨排隊排到要轉彎入橫巷，甚至有媽媽帶同小朋友前來，Jer更與小朋友激掌，表現親切。他表示今次是第一次推出與電影相關的產品，現場還以展覽形式展出電影主角得獎歷史。問到可想也有自己的展覽？他稱起碼要待入行10年後，先在里程碑上儲存更多物品；現也有儲起每個獎座，因是個里程碑，希望將來有機會展現給大家欣賞。

Jer表示目前是學習階段，一直有上演戲班學做戲。

Jer讚Jeffrey很靚仔！

今日為新碟舉行簽名會。

Jer柳應廷高唱我行我素走我路！

由推出第一首單曲《水刑物語》開始，柳應廷Jer就一直在創作與主流音樂作品迴異的歌曲，每一首歌曲為樂迷帶來驚喜的同時，有時亦會予人怪誕感覺。不過Jer卻覺得怪誕都有其獨特魅力，就好似他的偶像導演添布頓Tim Burton，受人愛戴追捧，而新歌《筆觸男孩憂鬱之死》，就是唱出Jer在音樂創作路上的心聲。

柳應廷（Jer） 以怪誕造型拍新歌《筆觸男孩憂鬱之死》MV。

Jer鍾情添布頓的作品，今次《筆觸男孩憂鬱之死》的創作靈感，也來自添布頓。Jer道：「我好喜歡添布頓創造嘅世界，不論畫作還是電影，荒誕得嚟又帶有獨特嘅魅力，《筆觸男孩憂鬱之死》就係由佢畫家同導演呢個角度去切入：無論你係乜嘢人，只要相信自己，堅持做自己覺得啱同開心嘅事，最終會建構到屬於自己嘅世界。」Jer深信，不論做任何作品，只要堅持自己，到後來回望，就會見到由自己一手打造，屬於自己的音樂路。

受導演添布頓影響。

堅持創作信念。

所以今次《筆觸男孩憂鬱之死》，Jer便找來全新班底合作，包括作曲的T-Ma及填詞的鍾說，來個新嘗試，Jer很喜歡這個組合，道：「 T-Ma好快就諗到好得意，市面上又唔多見嘅旋律，至於鍾說，我哋傾歌詞內容時，都不其然講起尊尼特普（Johnny Depp）同添布頓，於是我哋就諗到不如用畫家角度，唱出我嘅想法。」鍾說特別在歌詞中加入了一些添布頓電影的元素，大家聽歌時可以細心發掘一下。

新歌高唱我行我素走我路。

既然歌詞裡面出現了添布頓的元素，今次MV也就順利成章，讓Jer以怪誕造型演出，Jer介紹道：「我好鍾意電影《怪誕屍新娘》（Corpse Bride），所以MV其中一個黑白間西裝造型，靈感就係來自電影裡面嘅主角Jack，而我身上嘅玩具：恐龍、權仗、車、玩具珠寶等等，其實代表每個人內心嘅慾望。除此之外，我個妝就好似一個畫家喺我塊臉上面繪畫，畫咗唔同嘅彩繪。」而Jer飾演的瘋狂角色，就是一位創造家，在甦醒帶大家參觀他所創造的地下收藏室。Jer繼續介紹MV道：「其他角色嘅眼耳口鼻都畫喺唔同地方，呢啲都係我所創造嘅人物。喺收藏室裡面，每通過一度門，就好似帶聽眾逐步深入我嘅收藏世界。」

Jer帶大家走入怪異世界。

添布頓被形容為怪誕導演，那麼Jer也是一個怪誕的人嗎？他親自解構道：「我都係一個怪怪地嘅人，因為我鍾意玩，行為有時都有啲怪異，例如成日大叫、暴走，打牌自摸都會咁，我有時都控制唔到，玩起上嚟就會好癲，所以我唔驚『怪誕』呢個形容詞，亦唔覺得陌生，只要自己開心Enjoy就得，實行用自己魅力感染人哋。」

Jer以怪誕造型演出。