阿聰話阿仔最近不停聽Jer首新歌《砂之器》。
張繼聰昨晚（4日）出席電影《媽媽的神奇小子》慈善首映禮，對於兒子張瞻視人氣男團MIRROR為偶像，阿聰笑指兒子是MIRROR的粉絲，老婆謝安琪就無講明，因為會畀返少少薄面並說：「阿仔喺國際學校讀書，由細到大聽外國歌多啲，依家畀我睇歌曲歌單，原來聽最多係MIRROR同Jer。」
阿聰表示阿仔成日聽Jer的新歌。
問到兒子無聽你的歌？阿聰即說：「唔好提！佢最近不停聽Jer首新歌《砂之器》係小克作詞，不過佢啲英文好過中文，所以我問個仔其實聽唔聽得明首歌講乜？然後我話佢知個故事講咩，佢話要聽返一百幾十次先！但覺得幾開心，其實一代接一代嘅人，MIRROR令年輕一代接觸多啲廣東歌，MIRROR亦好用心做，希望將來可以有機會可以跟MIRROR合作。」
阿聰爆兒子是MIRROR的fans。
戲中飾演教練的阿聰，表示跟吳君如有多場對手戲，當中並跟飾演蘇樺偉不同年代的演員馮皓揚、梁仲恆合作，他亦大讚君如很尊重演員，而且是一位無得頂的人：「我覺得要向佢多多學習，君如會不停希望突破自己，雖然佢好有經驗，但都會問我哋覺得點去聽取意見。」
張繼聰在片中飾演蘇樺偉的教練方。
另一方面， 為電影唱主題曲的柳應廷（Jer），被問張繼聰爆兒子張瞻視他為偶像，更酸溜溜其兒子未聽過自己的歌曲，反而會聽他的歌曲。Jer說：「佢搞笑啫！上次同佢傾偈係開心嗰隻，唔係葡萄！我有聽佢嘅歌咪得囉！有機會都想同佢合作，無論唱歌或電影都係好犀利的藝人，好值得學習。」他笑言自己已經拋下偶包得久，可以演出喜感的電影。
Jer希望與阿聰合作。
