*

被馬德鐘陳煒催婚催生仔 湯洛雯祝福昔日好友黃心穎

靚湯話同馬都係拍住拖先,冇話一定要結婚,都要一啲時間了解。

兩年前湯洛雯(靚湯)取代黃心穎拍梅小青退休作品《法證先鋒IV》頻頻NG,時至今日靚湯有視帝男友馬國明教路,演技刮目相看。新劇中她以女一姿態和「民選視后」陳煒齊齊鬥戲,靚湯七情上面演技大爆發。有醫生男友愛錫的陳煒分享經驗之談,叫靚湯快啲結婚唔好錯失生仔黃金時間。

【頭條獨家】馬德鐘陳煒齊催婚兼催生仔 湯洛雯祝福黃心穎同泥鯭

靚湯同馬明冇乜嗌交,強調拍拖出路唔一定係結婚。

TVB新劇《雙生陌生人》中兩位女主角湯洛雯同煒哥日前晚上喺九龍城碼頭拍外景,劇情講靚湯為咗營救愛郎馬德鐘,爆樽指向翟威廉條頸,靚湯癲到青筋都現埋,非常入戲!不過,被湯洛雯用糖膠酒樽「行」住嘅翟威廉就帶點淆底,因為靚湯出名論盡,就算喺農莊拍戲都會唔小心踩到斧頭手柄,搞到成把斧頭凌空飛起,好彩就冇傷人。

【頭條獨家】馬德鐘陳煒齊催婚兼催生仔 湯洛雯祝福黃心穎同泥鯭

湯洛雯同陳煒拍外景,前者爆樽指向翟威廉條頸,七情上面。

- 閱讀更多 -

往下看更多文章