開Live同網民分享首次拍戲感受 薛影儀有自信唔使睇劇本

阿儀第一次用社交網開Live要搵人幫手。

未能入圍亞姐的薛影儀（阿儀），因為網民反應激烈而成功加盟亞視，簽約做藝人更有機會拍戲，今朝她就首次在社交網開live，原來與孫慧雪（雪雪）為新片戲《愛．還記得》開工。

阿儀面對鏡頭仍然有點緊張，與網民打招呼時講了兩次：「Hi大家好！我係阿儀呀！」她透露首次準備拍電影，認識到新朋友雪雪，不過介紹對方時，雪雪就稱擔心被網民話抽水：「其實我唔敢出鏡，我驚大家話我抽阿儀水，我匿埋先。」

第一次拍戲。

剛打開直播唔知望邊。

雪雪見阿儀有點沉默，就幫口以問答方式讓阿儀與網民交流，不過問到今日（7日）套戲叫乜名時，阿儀就支吾以對表示：「嗰個呢，唔記得叫乜名喇！」問第一日拍戲心情是否緊張、有否睇熟劇本？阿儀則淡定說：「都冇，都好淡定，冇睇劇本，不過有人教我點做，都有信心！」

雪雪忍不住出口引導阿儀與網民交流。

有網民留言問阿儀沒有笑容，似被人挾持，雪雪就表示找到方法令阿儀笑，即伸出手搔癢，阿儀就彈起笑說：「嘩！好痕呀！」不過她要埋位時，未關閉鏡頭就打算離開，要雪雪執手尾。

未關鏡頭就想走。

獲網民讚「笑多啲呀，笑起嚟真係好好睇！工作加油」、「相中嘅你太生硬，還是喜歡開live的你，你是天使你知道嗎？」、「阿儀都係素顏好睇」，為阿儀打氣。

雪雪全家一齊到日本影全家福！

孫慧雪最近舉家到日本旅行，一家四口齊齊換上日本傳統服裝於當地名勝景點前拍攝全家福，實現了她的夢想！

一家四口全家福

雪雪夢想成真

雪雪獲囝囝送吻

父子合照

夫婦合照

被指似日本人

囝囝獨照

孫慧雪全家赴京都旅遊，他們入鄉隨俗齊齊換上日本傳統服裝在祇園拍照留念。她於IG分享家庭照，「一直都好想去京都影輯全家福，夢想實現了💕」林子善於帖文下說：「❤祝福你一家健康快樂❤」不少網民亦紛紛留言：「好幸福😊」、「溫馨的家」、「肉肉哥有冇戴假髮啊？😍」、「爸爸好像很成熟的樣子🤣」、「果然係波多野 著埋和服話你日本藉都呃到下人😂」、「全家都似日本人😅」。