喺現實生活中，劉慕裳係一個好開心、好貪靚同幾糊塗嘅女仔。
劉慕裳喺東京奧運會勇奪空手道個人形一面銅牌，締造咗香港運動嘅歷史，喺賽場上英姿勃發，但喺現實生活中，佢係一個好開心、好貪靚同幾糊塗嘅女仔。
AP圖片
劉慕裳對空手道運動就好認真。
佢哥哥劉知名亦係一名空手道運動員，佢接受傳媒訪問時，就透露咗妹妹嘅生活點滴，話妹妹成日好鍾意「哈哈哈」咁大笑，俾人覺得佢好嘈。仲有，劉慕裳好貪靚，覺得自己左邊臉靚女啲，所以影親相都叫人影左臉，仲識自動走位，走去哥哥左手邊，等自己靚靚左臉上鏡。
現實生活中，劉慕裳係一個好開心、好貪靚同幾糊塗嘅女仔。
劉知名仲話，劉慕裳都幾大頭蝦，個銀包成日得三十蚊，所以經常向佢借錢，而佢哋一齊訓練時，人人都叫劉慕裳做妹妹，叫佢做哥哥，劉慕裳變成「眾人妹妹」，但現時就變咗「空手道一姐」。
資料圖片
知女莫若母，劉慕裳媽媽形容個女生活都幾糊塗，但對空手道運動就好認真，佢知道訓練想做到嘅效果，亦都跟到教練嘅要求，十分之有目標，並努力邁進。