許廷鏗不介意「蝦碌」片段曝光 讚林師傑：應該認識呢一個嘅你

許廷鏗邀請林師傑做嘉賓。

許廷鏗為ViuTV主持的《AH佛真‧惜玩》在周一已經播出，在昨晚播出的一集，邀請了「木偶哥」林師傑做嘉賓。同樣出身自2009年第一屆《超級巨聲》出身的許廷鏗和林師傑，兩人入行後各有各有不同際還遇，所以今次的主題是「順逆」。兩人齊齊坐在會議室先做問卷，提到目前究竟是順境抑或是，林師傑坦言自己活在當下：「我而嘅心態唔會在乎發生乜嘢事，而家反而係順境，識得為自己同身邊人去做。」反而許廷鏗覺得現階段是順境亦都是逆境。

許廷鏗邀請林師傑做嘉賓。

林師傑目前除了是獨立歌手外，同時亦是直立板教練，所以劇組專登安排許廷鏗去體驗。第一次玩直立板的許廷鏗認真「雞手鴨腳」，多次因為平衡不到而撻落水，不過他依然很努力，亦不介意跌低的片段出街：「係應該要出，唔係要做到你期待嘅畫面先叫做係好，沿途你跌低，喺低位睇嘅風景同你喺高處睇嘅唔同。」

許廷鏗首次挑戰直立板，想不到有另一種體驗。

林師傑表示用了12年去please人，但現在會為自己同身邊人着想，許廷鏗說：「大家其實一樣，我please嘅方法唔同，可能大家學習嘅方法唔同，可能大家覺得我係好做緊大家應該心目中嘅嘢，但你調返轉。」林師傑亦說：「但原來唔同嘅方法都係一種學習，頭先我俾你拖住，我look up時，我覺得你真係第二個人，大家要應該認識呢一個嘅你。」他又提到自己之要please人，係因為有個前輩「點條路畀佢行：「佢話你follow晒呢啲、你做晒呢啲就會得㗎啦，但係原來從來冇得過，個point係要開心！我以前辛苦係因為我成日要please人，我成日逆線行，唔係感受緊世界同我一齊行嘅嘢，可以一路好開心，一路做住你最鍾意做嘅嘢而人哋又分享到，就正正係我而家做緊嘅嘢。」

許廷鏗第一次玩直立板的認真「雞手鴨腳」。

許廷鏗讚林師傑變了做第二個人！

許廷鏗不介意「蝦碌」片段曝光 讚林師傑：應該認識呢一個嘅你

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。