許廷鏗與林師傑相識十年 望兄弟能獲觀眾認同

第一代「巨聲幫」。

歌手許廷鏗（Alfred）近日為ViuTV主持節目《AH佛真‧惜玩》，在今晚（16日）播出的一集中，Alfred安排了「木偶哥」林師傑到尖沙嘴鬧市Busking，希望大家可以重新認識及感受師傑。

許廷鏗（Alfred）邀請林師傑做嘉賓。

兩人到尖沙嘴鬧市Busking！

Alfred與林師傑同樣出身自2009年第一屆《超級巨聲》。

林師傑透露幾年前曾經跟自己有一個很誠實的對話，問自己想成為一個怎樣的人，最後發現自己想成為一個好爸爸及想繼續做音樂。在節目中，林師傑多次談及老婆歐陽巧瑩（Tammy），他指認識Tammy以後，不再介意別人的看法，只在乎她如何看自己，他更以歌曲表達老婆對自己生命的意義有多大。

許廷鏗亦揀了首特別的歌曲送給好友：「今次係我同林師傑自當年玩比賽後，相隔10年再合唱，所以我特登揀咗《給十年後的我》呢首歌！」林師傑即提出自己的請求，指過往他都是從收音機及電視聽到Alfred的歌，今次想走到觀眾群中欣賞Alfred唱歌。

許廷鏗做觀眾。

聽兄弟表演！ 

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。