P圖重手咗？湯洛雯仙氣女神照撞樣G.E.M.

真係好似喎～

現年34歲的湯洛雯（靚湯）瘦了不少，回復面尖尖的她，日前在個人社交網貼出修身成功的女神自拍照並留言：「知道快樂不是必然的，但每天都感到很快樂、感恩，還有謝謝你:)。」不少人估計文中的「你」是指男友馬國明，他也相當識做，以三個心心眼表情符號秒回冧女友，在網上放閃。

不少網民大讚靚湯仙氣十足，但也有網民對她的P圖有意見，認為太重手，與鄧紫棋（G.E.M.）變餅印：「OMG鄧紫棋」、「P到唔認得」、「不要用美顏濾鏡」等，直指認不出相中人是靚湯。

她是湯洛雯。

這位是G.E.M.。

網民睇到好亂。

湯洛雯再晒新相，終於唔似G.E.M.。

G.E.M.綁起孖辮就分到。

靚湯心痛愛貓！

湯洛雯（靚湯）與馬國明結婚後，雖然二人未生小朋友，不過他們當一對愛貓Tino同Ariel是心肝寶貝一樣，十分疼愛。昨晚（3月19日）靚湯在IG上載其中一隻愛貓打完疫苗後出現異常反應，令她非常擔心，心痛到眼淚狂飆，還提醒大家帶毛孩去打疫苗時，一定要小心觀察打完之後的反應。

湯洛雯與馬國明當兩隻愛貓是心肝寶貝一樣。

愛貓打完疫苗後出異常反應。

靚湯說：「大家帶毛孩去打疫苗時候，一定要小心觀察打完之後嘅反應！今日帶大仔去打疫苗，以前打都冇事最多係攰啲，但係今日返到屋企，見佢一開始少少肚痾，跟住鼻哥好紅，再見到佢眼腫晒，之後呼吸極快，我真係嚇到癲咗即刻帶返佢去診所，打抗敏針同止嘔針，瞓氧氣箱，個心痛到啲眼淚狂飆。」她續指幸好半小時後情況舒緩「依家帶咗返屋企，好攰好攰，係咁瞓覺，都放心返啲醫生話極少數會有咁嘅反應，不過咁啱就係嗰個極少數佢仲話好彩我哋快帶佢去，如果唔係後果都有危險…………大家有冇試過啲咁嘅情況？」

靚湯心痛得狂飆淚！

隨後，靚湯感謝大家的留言，並指愛貓情況已穩定：「多謝大家嘅留言，原來大家都試過有咁嘅情況，真係好恐怖，第時都真係要考慮係咪真係要繼續打，太驚嚇。Update返，見佢睡姿回復正常，應該舒服返好多。」

靚湯叫大家帶毛孩打完疫苗後， 一定要留意牠們情況。

指愛貓情況已穩定。