有好兄弟力撐。
ERROR成員肥仔今日在《力圖打排球》的記者會上，在排球遊戲環節中，慘遭MIRROR 的Edan和Anson Lo「打孖」擊中要害；被問到「小肥仔」的狀況時，肥仔笑指幸好自己有健身令身體夠強壯。笑問曾經下體中招的193有否分享心得？肥仔笑謂：「193係用自然療法，任由嗰度愈來愈大、愈來愈腫。」193笑肥仔要好好珍惜，因只有一晚時間變大，第二晚就會變返細。在旁的保錡即食字為肥仔起花名做「九龍灣蘑菇瘦」、又自封為「九龍灣墮Lin地獄獸」；193唔執輸的自稱做「九龍灣金剛棒」，再取笑阿Dee是「太和定海神針」！阿Dee就只關心未能與謝影雪打羽毛球感失望;但提到保錡遭韓子亮追擊，ERROR即同心合力撐隊友。
花姐在旁望實保錡。
對於早前被韓子亮(TL)在IG Story連環出Po狙擊，直指保錡「食女」兼「媾女」，事件發生後，首現身的保錡被問到近日是非連連，他不停遊花園的談工作避答，在旁的193搶說：「係男人都會媾女，好正常。」阿Dee更幫口：「媾女和溝通係一線之差，睇你點睇！」得到兄弟護航的保錡表示：「經過今次事件，發現ViuTV真係個好地方，我會同ERROR成員好好溝通工作上嘅動向、做得更好，心情冇受影響、仲幾開心。」
保錡獲兄弟全力護航。
問到保錡是否不想回答韓子亮的是非？他繼續以工作避開話題，193撐隊友說：「唔係真嘅嘢就唔需要回應，每一日都有好多事衝住我哋而嚟，我哋唔care、亦唔理，自行調節心情就得。」肥仔幫口指韓子亮的事件是源於之前邀請對方參與節目所發生（搶咪事件），其實是度出來的開玩笑橋段，沒料到對方誤會了或較為認真；193再接口指如果將來有機會也希望跟對方再合作。問到有否後悔用到「搶咪」橋段？保錡搬出人生哲理說：「每一日都係新嘅一天，冇得回頭望，每日都要做好自己。」有指粉絲擔心保錡再度收埋自己，阿Dee打趣道：「九展個雪櫃冇位啦！」隨即3子口徑一致表示一定撐兄弟！
193覺得：「唔係真嘅嘢就唔需要回應！」
保錡避談被韓子亮狙擊，全程講工作帶記者遊花園。
ERROR保錡表示，做運動係最適合突破人生同提醒自己自律。
ViuTV全新節目《公司冇迫我跑馬拉松》今晚（1月15日）播出的首集，開宗名義，公司的節目組沒有強逼藝人跑馬拉松，而是眾藝人自薦報名參與節目拍攝，並獲節目組邀請挑戰總長42.195公里的「全馬」賽事。
最初接受了節目挑戰的幾位ViuTV藝人包括ERROR吳保錡（保錡）、曾贊學（阿神）、李炘頤（Alina）、蔡寶欣（Pony）、米露迪（Melody）、鍾卓穎（Ash）、蔡宛珊（Sarika）和何洛瑤（Sica）。
眾藝人自薦報名參與節目拍攝。
被問及報名跑馬拉松的原因，意志堅定的ERROR吳保錡（保錡）指：「今次當係畀32歲嘅自己一個Mission，唔想將「後悔」放喺自己嘅人生裡面，做運動係最適合突破人生同提醒自己自律，今次參加馬拉松想宣揚俾我啲Fans知道，失敗同成功都係掌握喺自己手。我已經唔係5年前嘅保錡，我好清楚自己目標！」
第一次團練的保錡。
第一次團練的保錡已力量滿滿。
節目組安排了一場10公里的香港公開賽初跑予部份藝人作為熱身賽，包括ERROR保錡、曾贊學（阿神）、蔡寶欣（Pony）、蔡宛珊（Sarika）和何洛瑤（Sica）。雖然眾人順利跑完10公里，亦表示自己未有信心能夠完成臺北「全馬」，但大家仍雄心勃勃，誓要挑戰總長42.195公里的臺北「全馬」。Sica笑言，指自己好想參加其中，全因一個心態：「係唔忿氣，有啲運動員脾氣，無理由跑唔到。」同時，Sarika雖然完成了10公里的公開賽初跑，但考慮到自己的傷患，最終決定退出挑戰。
香港10公里公開賽初跑的保錡於凌晨熱身。
香港10公里公開賽初跑的Pony於凌晨熱身。
保錡、阿神、Pony、Ash和Sica順利跑完10公里。
Sarika因考慮到自己的傷患，最終決定退出「全馬」挑戰。
節目組亦紀錄了第一次團練，榮邀到美國田徑協會一級教練吳教練一同參與特訓，吳教練對保錡有讚有彈：「我覺得保錡好有潛質。但有時個人主義太多，難吸收其他人嘅經驗。」Pony和Sica亦不比有運動習慣的阿神遜色，在團練中途逐漸拋離阿神。一向獨自跑步的Pony表示很享受今次與夥伴團練：「大家一齊完成依件事，力量係會大過自己跑。」
第一次團練的保錡、阿神、Pony和Sica。
阿神和Sica熱身中。
因Sarika於首集的退出，節目將繼續紀錄剩餘隊員ERROR保錡、阿神、Alina、Pony、米露迪、Ash和Sica的訓練。
